ԵՐԵՎԱՆ, 17 նոյեմբերի. /Նովոստի Արմենիա/. Հայաստանի նախագահի հրամանագրով հայտնի քաղաքագետ Սերգեյ Մինասյանը նշանակվել է Ռումինիայում Հայաստանի արտակարգ և լիազոր դեսպան։
Մեկ այլ հրամանագրով Համլետ Գասպարյանն ազատվել է Ռումինիայում և Չեռնոգորիայում Հայաստանի արտակարգ և լիազոր դեսպանի պաշտոնից։
«Ուրախ եմ, որ տարիներ ի վեր զբաղվելով միջազգային հարաբերությունների, մասնավորապես, եվրոպական և եվրոատլանտյան քաղաքականության ուսումնասիրությունների հարցերով ներկայացնելու եմ Հայաստանը մի երկրում, որը հանդիսանում է աշխարհագրորեն ամենամոտ ԵՄ, ինչպես նաև Սևծովյան տարածաշրջանում ՆԱՏՕ անդամ ամենաակտիվ երկրներից մեկը»,– Facebook–ի իր էջում գրել է Մինասյանը։
Загружается новость ...
"Право"
Նա նշեց, որ Ռումինիան առաջին երկիրն է, որի հետ Հայաստանը դեռևս 1991 թվականի դեկտեմբերին դիվանագիտական հարաբերություններ է հաստատել։
«Պատահական չէ նաև, որ Հայաստանը Ռումինիայում ի սկզբանե ներկայացրել են ամենափորձառու և արհեստավարժ դիվանագետները, ինչը շատ պարտավորեցնող է և ավելի մեծ պատասխանատվություն է պահանջում»,– ընդգծել է Մինասյանը։
Սերգեյ Մինասյանը հայտնի քաղաքագետ է։ Զբաղեցրել է Հայաստանում «Կովկասի ինստիտուտի» տնօրենի տեղակալի և քաղաքական հետազոտությունների դեպարտամենտի ղեկավարի պաշտոնը։ -0-