480.55
-0.63
569.26
-2.38
8.24
+0.02
+5
Եղանակը Երևանում
Հայ
Ֆրանսիայի նախագահը միշտ ուշադիր է եղել Հայաստանի և հայ ժողովրդի նկատմամբ. Սարգսյան
11:46
07 Հոկտեմբերի 2011

ԵՐԵՎԱՆ, 7 հոկտեմբերի. /Նովոստի-Արմենիա/. Նախօրեին պետական այցով Հայաստանում գտնվող Ֆրանսիայի Հանրապետության  նախագահ Նիկոլա Սարկոզիի պատվին տրված պետական ընթրիքի ընթացքում ՀՀ նախագահ Սերժ Սարգսյանն ընդգծել է այն փաստը, որ Ֆրանսիայի նախագահը մշտապես հետևել և անհրաժեշտության դեպքում սատար է կանգնել Հայաստանին:

«Ուրախ եմ այսօր ողջունել պետական այցով Հայաստանի Հանրապետությունում գտնվող Ֆրանսիայի Հանրապետության Նախագահ պարոն Նիկոլա Սարկոզիին, Հայաստանի և նաև իմ բարեկամին, ով մշտապես հետևել և անհրաժեշտության դեպքում սատար է կանգնել մեր երկրին և մեր ժողովրդին»,- Սարգսյանի խոսքը մեջբերեցին իր մամուլի ծառայությունից:

Ըստ նրա, Հայաստանի և Ֆրանսիայի հատուկ հարաբերությունները խոր պատմական արմատներ ունեն։ Դեռևս 11-14-րդ դարերում Կիլիկիայի Հայոց Թագավորության  օրոք, հայ և ֆրանկ ազնվական տների միջև կնքված ամուսնական և ռազմավարական դաշինքներից ի վեր, հայ-ֆրանսիական առնչությունների սաղմերը հետագա դարերում շարունակաբար ամրապնդվել են` վերածվելով խոր արմատներ ունեցող անկեղծ բարեկամության:

«Ամենևին պատահական չէ, որ ֆրանսիական հողում, Ֆրանսիայի թագավորների կողքին է հանգչում հայոց վերջին թագավորը՝ Լևոն վեցերորդը»,- ասել է Սարգսյանը:

Նա նշել է, որ երկու ժողովուրդների միջև փոխճանաչելիության, համակեցության շրջանակներն ընդլայնվեցին հայ ազգի պատմության ամենաօրհասական ժամանակաշրջանում: «20-րդ դարի սկզբին Օսմանյան կայսրությունում իրականացված Հայոց ցեղասպանության հետևանքով հայրենազրկված հարյուր հազարավոր հայեր ապաստան ու ապավեն գտան Ֆրանսիայում»,- ընդգծել է Սարգսյանը:

Ըստ նրա, վառ պահելով հայկական ինքնությունը` հայ մարդն անցավ Ֆրանսիայի հասարակական կյանքի լիարժեք ինտեգրման ճանապարհը` վտարանդի օտարականից դառնալով հայկական ծագում ունեցող օրինակելի ֆրանսիացի:

«Ես իսկապես հպարտ եմ, որ մեծաթիվ ֆրանսահայեր ակնառու հաջողություններով իրենց նպաստը բերեցին Ֆրանսիայի բարգավաճմանը և դարձան մեր երկու ժողովուրդների համատեղ հպարտության խորհրդանիշ:

Ֆրանսիայի հասարակությունը երբեք անհաղորդ չի մնացել Հայաստանի և  հայ ժողովրդի ճակատագրին, նրան հուզող խնդիրներին։ Ֆրանսիան ապավեն է դարձել մեզ անկախ պետականության վերականգնման առաջին իսկ օրվանից՝ շարունակաբար աջակցելով ամրապնդել մեր պետականության հիմքերը, սատար կանգնել մեր ամենադժվարին օրերին»,- ասել է Սարգսյանը:

Նա ընդգծել է, որ հայ ժողովուրդը և Հայաստանը շնորհակալ են բարեկամ Ֆրանսիային Հայոց ցեղասպանությունը օրենքի ուժով ճանաչելու համար:
2001թ.-ին Ֆրանսիան խորհրդարանական մակարդակով ճանաչեց Հայոց ցեղասպանությունը, սակայն Ցեղասպանության ժխտման համար քրեական պատասխանատվության ենթարկելու մասին օրինագիծը դեռ չի ընդունվել Սենատի կողմից:

«Մեր երկու ժողովուրդներին միահյուսած պատմության կամուրջներն աներեր հիմքերի վրա են դրված և ստեղծել են փոխադարձ բարեկամության համար առանձնաշնորհյալ կարգավիճակ Հայաստան-Ֆրանսիա միջպետական հարաբերություններում։ Մեր միջև ձևավորվել է բարձր մակարդակի քաղաքական երկխոսություն, որն ամենադրական կերպով է անդրադառնում համագործակցության բազմաթիվ ոլորտների վրա: Միայն նախագահական մակարդակով փոխայցելությունների թիվը մոտենում է երկու տասնյակի»,- ասել է Սարգսյանը:

Նա նաև հիշեցրել է, որ Ֆրանսիան հանդիսանում է երկրորդ խոշոր ներդրողը Հայաստանում: «Մեր տնտեսությունում շոշափելի ներգրավվածություն ունեն հարյուրից ավելի ֆրանսիական ընկերություններ, այդ թվում համաշխարհային մեծության այնպիսի ընկերություններ, ինչպիսիք են Կրեդիտ Ագրիկոլը, Օրանժը, Պեռնո Ռիկարը: Ես լիահույս եմ, որ մոտ ժամանակներում այս ցանկին կարող ենք ավելացնել  ուրիշ անուններ ևս»,- ասել է Սարգսյանը:
Նա նշել է, որ երկու երկրներն էլ էական ձեռքբերումներ ունեն կրթամշակութային ոլորտներում: «Արդյունավետ համագործակցում ենք Ֆրանկոֆոնիայի շրջանակներում՝ մեծ կարևորություն տալով և հետևողական ջանքեր գործադրելով Հայաստանում ֆրանսերեն լեզվի ու ֆրանսիական մշակույթի տարածման ուղղությամբ»,-ասել է Սարգսյանը:

Ըստ նրա, հիշատակման է արժանի նաև Հայաստանի և Ֆրանսիայի շուրջ 30 գործընկեր քաղաքների ու շրջանների միջև տարբեր ոլորտներում ընթացող ապակենտրոնացված համագործակցությունը:

«Մեծարգո պարոն Նախագահ, կրկին ողջունում եմ Ձեզ Հայաստանում։ Վստահ եմ, որ առաջիկա տարիներին հնարավորություն ենք ունենալու միասին աշխատելու և միատեղելու մեր ջանքերը՝ ի հարատևություն մեր երկրների և ժողովուրդների բարեկամության։ Համոզված եմ, որ Հայաստան կատարած Ձեր պետական այցը ևս մեկ սյուն է կանգնեցնելու հայ-ֆրանսիական բարեկամության տաճարում»,- ասել է Սարգսյանը:

Նա բաժակ է բարձրացրել «Ֆրանսիայի մեծ ժողովրդի պատվին, որի հանճարեղ զավակներն անուրանալի և հսկայական ներդրում են ունեցել համաշխարհային քաղաքակրթության կերտման ու զարգացման գործում»:

«Խնդրում եմ բոլորս միասին հոտնկայս մաղթենք մեր երկրների և ժողովուրդների բարեկամությանը հարատևություն և ամրություն»,- ասել է Սարգսյանը: -0-

Loading...
Թեմատիկ նյութեր
Բաժնի այլ նյութեր
14:49
20 Դեկտեմբերի 2017
Հայատյացությունն ադրբեջանական դասագրքերում. Երևանում կայացել է Azerichild.education կայքի շնորհանդեսը
Azerichild.education կայքի շնորհանդեսը կայացել է չորեքշաբթի «Նովոստի–Արմենիա» մամուլի կենտրոնում։
16:47
16 Դեկտեմբերի 2017
Արձանագրությունների ստորագրումից հետո էլ, այսօր էլ գնդակը թուրքական կիսադաշտում է. ՀՀ ԱԳՆ
ՀՀ ԱԳՆ-ն հայտարարություն է տարածելցյուրիխյան արձանագրությունների վերաբերյալ Թուրքիայի վերջին հայտարարության վերաբերյալ:
17:36
15 Դեկտեմբերի 2017
Հայաստանում ԵՄ պատվիրակության ղեկավարը խոսել է ԵՄ–ի հետ ստորագրված համաձայնագրի դրական կողմերի մասին
Նա ընդգծեց նաև, որ հայկական իշխանությունները գործադրում են անհրաժեշտ բոլոր ջանքերը, որպեսզի երկրի քաղաքացիները ավելի շուտ զգան համաձայնագրի դրական ազդեցությունը:
13:09
15 Դեկտեմբերի 2017
Թուրք լրագրողը հարձակվել է հայ քաղաքագետի վրա «Զվեզդա» հեռուստաալիքի եթերում (ՎԻԴԵՈ)
Թուրք լրագրողը «Զվեզդա» հեռուստաալիքի «Process» (Процесс) հաղորդման ժամանակ հարձակվել է հայ քաղաքագետ Սարգիս Ծատուրյանի վրա:
20:09
14 Դեկտեմբերի 2017
Հայաստանի դիրքորոշումը հայ–թուրքական արձանագրությունների հարցում անփոփոխ է. ԱԳՆ
Հայաստանի դիրքորոշումը Թուրքիայի հետ հարաբերությունների բարելավման արձանագրությունների հարցում անփոփոխ է մնում:
19:21
14 Դեկտեմբերի 2017
Թուրքիան հայտարարել է, որ հավատարիմ է Հայաստանի հետ հարաբերությունների բարելավմանն ուղղված արձանագրություններին
Թուրքիան պահպանում է Հայաստանի հետ հարաբերությունների բարելավմանն ուղղված արձանագրությունների նկատմամբ իր հավատարմությունը:
15:29
13 Դեկտեմբերի 2017
Հայաստանը 2018–ը գարունը կդիմավորի առանց հայ-թուրքական արձանագրությունների. ԱԳՆ
Հայաստանի և Թուրքիայի հարաբերությունների կարգավորման գործընթացը 2008 թ.–ի աշնանը նախաձեռնել է ՀՀ նախագահ Սերժ Սարգսյանը։
18:19
12 Դեկտեմբերի 2017
ՄԻԵԴ–ը պարտավորեցրել է Ադրբեջանին 35000 եվրո վճարել հայ փախստականի ընտանիքին
Մարդու իրավունքների եվրոպական դատարանը հրապարակել է «Սարգսյանն ընդդեմ Ադրբեջանի» գործով փոխհատուցման որոշումը։
11:09
12 Դեկտեմբերի 2017
Հայաստանի ԱԳՆ ղեկավարը կմեկնի Հունաստան
Հայաստանի արտաքին գործերի նախարար Էդվարդ Նալբանդյանը դեկտեմբերի 12-13–ին պաշտոնական այցով կմեկնի Հունաստան։
11:07
08 Դեկտեմբերի 2017
Հայաստանի նախագահի պաշտոնում կարող է միասնական թեկնածու առաջադրվել
Սահմանադրության բարեփոխված 125–րդ հոդվածի համաձայն, «հանրապետության նախագահի պաշտոնում թեկնածության առաջադրման իրավունք ունի պատգամավորների ընդհանուր թվի առնվազն ¼–ը»։
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։