438.97
4.35
404.36
+7
Եղանակը Երևանում
Հայ

Ղարաբաղի խնդրի լուծումը պետք է փոխզիջումային լինի, սակայն ԼՂՀ-ի անկախությունն այլընտրանք չունի. փոխխոսնակ

15:01
24 Հունվարի 2012

Ղարաբաղի խնդրի լուծումը պետք է հիմնված լինի փոխզիջումների վրա, սակայն Արցախի անկախությունն այլընտրանք չունի, երեքշաբթի լրագրողներին ասաց ՀՀ ԱԺ փոխխոսնակ, իշխող ՀՀԿ-ի անդամ Էդուարդ Շարմազանովը:

«Մեր փոխզիջումը կայանում է նրանում, որ Արցախի անկախությունն այլընտրանք չունի, իսկ անկախության միջազգային ճանաչումից և կարգավիճակի սահմանումից հետո Արցախի ժողովուրդն իր ղեկավարության հետ կորոշի, թե ինչպիսին կլինի այդ փոխզիջումը», - ասաց Շարմազանովը:

Նա նշեց, որ Ադրբեջանը, լինելով պարտված կողմ, փոխզիջումների մասին դեռ չի խոսում: Փոխխոսնակի կարծիքով՝ հենց դա է պատճառը, որ ծայրահեղ դիրքորոշումներից հեռանալու անհրաժեշտության մասին ՌԴ ԱԳ նախարար Սերգեյ Լավրովի հայտարարությունը վերաբերում է հիմնականում Բաքվին:

Նախօրեին Լավրովը հայտարարել է, որ Հայաստանի և Ադրբեջանի նախագահները երկուշաբթի Սոչիում կայացած եռակողմ հանդիպման ժամանակ, որին մասնակցել է նաև ՌԴ նախագահը, ընդունել են ծայրահեղ դիրքորոշումներից հեռանալու անհրաժեշտությունն ու կողմ են արտահայտվել դիրքորոշումների մերձեցմանն ուղղված ջանքերի շարունակմանը:

Խոսելով եռակողմ հանդիպման մասին՝ Շարմազանովը նշել է, որ հանդիպման արդյունքում արված համատեղ հայտարարությունը համահունչ է հայկական կողմի դիրքորոշման հետ: «Հայաստանն ու Արցախը մշտապես խոսում էին խնդրի խաղաղ կարգավորման անհրաժեշտության մասին, իսկ Բաքուն չէր բացառում ռազմական ճանապարհը: Հետևաբար, այս հայտարարությունը պրեսինգ է Ադրբեջանի վրա», - ասաց փոխխոսնակը:

Նրա խոսքով՝ Ադրբեջանը, դառնալով ՄԱԿ-ի Անվտանգության խորհրդի ոչ մշտական անդամ, ցանկանում է խնդրի քննարկումը տեղափոխել այլ միջազգային հարթություններ, այդ թվում նաև ԱԽ: «Իսկ Սոչիում ընդունված հայտարարության մեջ, որին միացել է նաև ադրբեջանական կողմը, հստակ նշվում է, որ խնդիրը պետք է լուծվի ԵԱՀԿ ՄԽ համանախագահության ձևաչափում», - նշեց փոխխոսնակը:

Նա ասաց, որ ընդունված փաստաթղթի դրույթները, որոնք հակամարտող կողմերի միջև մարդասիրական կապերի ակտիվացում են նախատեսում, ևս չեն հակասում հայկական դիրքորոշմանը:
«Մենք միշտ ասել ենք, որ մեր հասարակությանը պատերազմի չենք պատրաստում, չնայած որ պատրաստ ենք պատերազմի, իսկ Ադրբեջանը ռասիզմի և հայատյացության վրա հիմնված քաղաքականություն է վարում», - ասաց Շարմազանովը:

Նա նշեց, որ չնայած հանդիպման արդյունքները բեկումնային չդարձան Ադրբեջանի ապակառուցողական դիրքորոշման պատճառով, սակայն հույս կա, որ ադրբեջանական կողմի վրա իրականացվող ճնշման շնորհիվ կհաջողվի հասնել նրան, որ պաշտոնական Բաքվի բառերը չեն տարբերվի իրականացվող քայլերից:
Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ նրանք կորցրեցին վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:
1994թ. մայիսի 12-ին զինադադարի վերաբերյալ եռակողմ համաձայնագրի կնքումից  հետո հակամարտության գոտում դադարեցին ռազմական գործողությունները, որոնց արդյունքում երկու կողմից էլ եղավ շուրջ 25-30 հազար զոհ և մոտ մեկ միլիոն մարդ  ստիպված լքեց բնօրրանը:

Հրադադարի ռեժիմ հաստատելու վերաբերյալ համաձայնագիրը մինչև այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան: -0-

Ծանոթացեք լուրերին առաջինն ու քննարկեք դրանք մեր Telegram-յան ալիքում

ԱՌԿԱ գործակալություն
Բաժնի այլ նյութեր
22:58
22 Փետրվարի 2024
Բորելը ցանկանում է այցելել Հայաստան․ ԵՄ դեսպան
Եվրոպական միության արտաքին հարաբերությունների և անվտանգության հարցերով բարձր ներկայացուցիչ Ժոզեպ Բորելը ցանկանում է այցելել Հայաստան
13:10
22 Փետրվարի 2024
Պատմության մեջ առաջին անգամ Ֆրանսիայի պաշտպանության նախարարը կայցելի Հայաստան
Ֆրանսիայի պաշտպանության նախարարի առաջին այցը Հայաստան
22:47
21 Փետրվարի 2024
Փաշինյանը Մակրոնին հրավիրել է Հայաստան՝ մասնակցելու Ազնավուրի 100–ամյակին նվիրված գալա–համերգին
Փաշինյանը հրավիրել է Ֆրանսիայի նախագահ Էմանուել Մակրոնին պետական այցով այցելել Հայաստան
15:18
19 Փետրվարի 2024
Ուկրաինայի հարցով Մոսկվայի և Երևանի դիրքորոշումները տրամագծորեն տարբերվում են․ Պեսկով
Պեսկովը մեկնաբանել է Փաշինյանի հայտարարությունն Ոկրաինայի հարցով
10:39
19 Փետրվարի 2024
Ուկրաինայի հարցով Հայաստանը Ռուսաստանի դաշնակիցը չէ․ Փաշինյան (ՎԻԴԵՈ)
Փաշինյանը հայտնել է իր դիրքորոշումն Ուկրաինայի հարցով․ ՎԻԴԵՈ
18:01
17 Փետրվարի 2024
Մյունխենում հանդիպել են Փաշինյանն ու Ալիևը․ ի՞նչ են պայմանավորվել
Մյունխենում հանդիպել են Փաշինյանն ու Ալիևը․ ի՞նչ են պայմանավորվել
15:02
16 Փետրվարի 2024
Արևմուտքը փորձում է խանգարել հայ-ադրբեջանական կարգավորմանը․ ՌԴ ԱԽ քարտուղար
ՌԴ–ից հայտնում են, որ Արևմուտքը փորձում է խանգարել հայ-ադրբեջանական կարգավորմանը
13:38
15 Փետրվարի 2024
Ադրբեջանն ասում է' ինչ ուզում եմ, տվեք բանակցությունով, հակառակ դեպքում կվերցնեմ պատերազմով․ Փաշինյան (ՎԻԴԵՈ)
Փաշինյանն ասում է, որ տպավորություն ունի, որ Ադրբեջանը որևէ հետաքրքրություն չի ցուցաբերում սահմանային կայունության և անվտանգության ապահովման հարցում․ ՎԻԴԵՈ
10:22
15 Փետրվարի 2024
Որևէ արտաքին ուժ իրավունք չունի միջամտել մեր երկրի ներքին գործերին․ Փաշինյանի մամուլի քարտուղարը՝ Ալիևին
Փաշինյանի մամուլի քարտուղարը պատասխանել է Ալիևի սպառնալիքներին
13:20
14 Փետրվարի 2024
ՀԱՊԿ-ը հայ-ադրբեջանական սահմանին հակամարտության մեծ ներուժ է տեսնում
ՀԱՊԿ-ից հայտնում են, որ հայ-ադրբեջանական սահմանին հակամարտության մեծ ներուժ կա
11:53
14 Փետրվարի 2024
ՀՀ ՊՆ կողմից կա շատ խիստ հրաման՝ չհրահրել որևէ էսկալացիա, չտրվել սադրանքների․ Փաշինյան
Փաշինյանը հայտարարել է, որ ՀՀ ՊՆ կողմից կա շատ խիստ հրաման՝ չհրահրել որևէ էսկալացիա, չտրվել սադրանքների