ԵՐԵՎԱՆ, 29 հոկտեմբերի. /Նովոստի–Արմենիա/. Հայաստանի մարդու իրավունքների պաշտպանը հինգշաբթի ասաց լրագրողներին, որ գիտի, թե ով է Ազգային ժողովում իր հասցեին արված քննադատության ետևում։
Մարդու իրավունքների պաշտպան Կարեն Անդրեասյանի հաշվետվութունը վերջին քառօրյայում առաջացրել է խորհրդարանականների բավականին բուռն արձագանքը, ովքեր սկզբում մեղադրում էին Օմբուդսմենին ոչ բավարար հետևողականության մեջ, իսկ հետո, հակառակը, ասել են, որ նրա ներկայացրած 500–էջանոց զեկույցը չափազանց մանրամասն է գրված։ Հատկապես կտրուկ քննադատությամբ ելույթ է ունեցել Հայաստանի հանրապետական կուսակցության խորհրդարանական խմբակցության պատգամավոր Սամվել Ֆարմանյանը։
«Ես ասացի, որ գիտեմ այդ մարդուն, բայց չեմ նշի նրան անունը, քանի որ դա աննպատակահարմար եմ համարում։ Անկեղծորեն ներում եմ Ֆարմանյանի արարքը, բայց բարկանում եմ նրա անմիջական ղեկավարի վրա և պատասխան եմ սպասում նրանից։ Անհրաժեշտության դեպքում կարող եմ փաստեր ներկայացնել»,– ասաց Անդրեասյանը։
Նա հերքեց այն ենթադրությունը, որ Ֆարմանյանի անմիջական ղեկավարը Հայաստանի նախագահ Սերժ Սարգսյանն է։ «Ֆարմանյանի և նախագահի միջև չափազանց մեծ հեռավորություն կա, տրամաչափն այն չէ»,– ասաց Անդրեասյանը։
Մեկնաբանելով այն լուրերը, որ Մարդու իրավունքների պաշտպանի վրա կատարած գրոհները Հայաստանի նախագահի փեսայի, Վատիկանում ներկայիս հայ դեսպան Միքայել Մինասյանի և նրա եղբոր` Անդրեասյանի ընկեր Գրիգոր Մինասյանի միջև «դիմակայությունն է»` Օմբուդսմենը նշեց, որ երբեք չի թաքցրել վերջինիս հետ ընկերությունը, բայց կոռեկտ չի համարում այլ մարդկանց միջև հարաբերությունների մեկնաբանությունը։
«Գլխավոր դատախազի հետ բազմաթիվ բախումներ եմ ունեցել, բայց Գևորգ Կոստանյանի բարոյական կերպարն այնպիսին է, որ նա իր խնդիրները կեղտոտ կերպով և «պատվերների» միջոցով չի լուծում»,– ասաց Անդրեասյանը։ -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում