«Բարգավաճ Հայաստանը» հերքում է վստահության պակասի առկայությունը ՀՀԿ-ի նկատմամբ. պատգամավոր
ԵՐԵՎԱՆ, 1 փետրվարի. /Նովոստի-Արմենիա/. «Բարգավաճ Հայաստան» և Հայաստանի Հանրապետական կուսակցությունները միմյանց նկատմամբ վստահության պակաս չեն զգում, չորեքշաբթի լրագրողների հետ հանդիպմանը հայտարարեց ԲՀԿ կոալիցիոն խմբակցության անդամ Վարդան Բոստանջյանը:
«Այսօր կուսակցությունների միջև գոյություն ունի որոշակի լարվածություն, ոչ թե վստահության պակաս, և դա նորմալ է»,- նշեց նա:
Պատգամավորն ընդգծեց, որ լարվածությունն արմատապես տարբերվում է վստահության պակասից և առաջանում է կուսակցությունների միջև առողջ մրցակցության արդյունքում խորհրդարանական ընտրությունների նախաշեմին:
Պատասխանելով լրագրողների՝ խորհրդարանական ընտրություններին ընդառաջ համատեղ որևէ հայտարարության ստորագրման վերաբերյալ հարցին՝ Բոստանջյանը նշեց, որ փաստաթղթի ստորագրումը կուսակցությունների միջև լայնորեն կիրառված է զարգացած երկրներում, և անսովոր ոչինչ չկա:
«Այնուամենայնիվ, նման անհրաժեշտության դեպքում փաստաթուղթն անպայման կուղղվի Հայաստանի կայունության ամրապնդմանը»,- ասաց պատգամավորը: --0--