Հայկական դպրոցների ամենամյա վարկանիշը կկազմվի 2013թ.-ից. նախարար
![Հայկական դպրոցների ամենամյա վարկանիշը կկազմվի 2013թ.-ից. նախարար Հայկական դպրոցների ամենամյա վարկանիշը կկազմվի 2013թ.-ից. նախարար](/upload/iblock/1cd/09iliwmmv2qrmi7w93plnd99bcislewm.jpg)
ՀՀ կրթության և գիտության նախարարությունը 2013թ.-ից կանցնի հանրակրթական դպրոցների ամենամյա վարկանիշը կազմելուն, չորեքշաբթի լրագրողներին հայտնեց գերատեսչության ղեկավար Արմեն Աշոտյանը:
«Վարկանիշը կազմելու մեթոդոլոգիան կմշակվի այս տարի՝ հաշվի առնելով առաջնահերթ միջազգային փորձը»,- ասաց նա:
Ըստ նախարարի՝ վարկանիշի շնորհիվ հասարակությունը կարող է տեղեկություն ստանալ յուրաքանչյուր դպրոցի կրթության որակի վերաբերյալ:
Նա ավելացրեց նաև, որ վարկանիշը կկազմվի ինչպես ընդհանուր առմամբ հանրապետության բոլոր միջնակարգ դպրոցների, այնպես էլ առանձին Երևանի և երկրի մարզերից յուրաքանչյուր դպրոցի համար:
«Դա մեզ համար շատ կարևոր մեխանիզմ է՝ կրթական ոլորտում մրցակցությունը խթանելու, տեղեկատվության հասանելիության և թափանցելիության տեսանկյունից»,- նշեց Աշոտյանը:
Այսօրվա դրությամբ Հայաստանում գործում է ավելի քան 1400 հանրակրթական դպրոց: -0-