ՀՀ վարչապետը շնորհավորել է իսպանացի իր գործընկերոջը՝ պաշտոնը ստանձնելու կապակցությամբ
27.12.2011,
16:13
ՀՀ վարչապետը շնորհավորել է իսպանացի իր գործընկերոջը՝ պաշտոնը ստանձնելու կապակցությամբ
ՀՀ վարչապետ Տիգրան Սարգսյանը շնորհավորական ուղերձ է հղել Իսպանիայի Թագավորության վարչապետ Մարիանո Ռախոյ Բրեյին` Իսպանիայի Թագավորության վարչապետի պաշտոնը ստանձնելու կապակցությամբ, հաղորդում է կառավարության մամուլի ծառայությունը:
«Իսպանիայի Թագավորության վարչապետի պաշտոնն ստանձնելու կապակցությամբ Ձեզ եմ հղում իմ անկեղծ շնորհավորանքները և լավագույն մաղթանքները», - մեջբերեցին մամուլի ծառայությունից Սարգսյանի խոսքերը:
Նա նաև վստահություն է հայտնել, որ Մարիանո Ռախոյ Բրեյի պաշտոնավարման ընթացքում Հայաստանի և Իսպանիայի միջև առկա բարեկամական հարաբերությունները կշարունակեն զարգանալ և ամրապնդվել:-0-
Պատճենել հղումը
