Գարեգին Բ Կաթողիկոսի, Պատրիարք Կիրիլի և Ադրբեջանի հոգևոր առաջնորդի եռակողմ հանդիպումն է ընթանում Երևանում
Ամենայն Հայոց Գարեգին Բ Կաթողիկոսի, Մոսկվայի և Համայն Ռուսիո Կիրիլ Պատրիարքի և Կովկասի մահմեդականների վարչության նախագահ Շեյխ-Ուլ-Իսլամ Ալլահշուքյուր Փաշազադեի եռակողմ հանդիպումն է ընթանում այս րոպեներին Երևանում, հաղորդում է «Նովոստի-Արմենիա» գործակալության թղթակիցը:
Հանդիպման ավարտին մամուլի համար հայտարարություն կարվի:
Կիրիլ Պատրիարքը և Կովկասի մահմեդականների հոգևոր վարչության նախագահը երկուշաբթի ժամանեցին Երևան՝ ԱՊՀ երկրների միջկրոնական խորհրդի նախագահության երկօրյա նիստին մասնակցելու նպատակով:
2010թ. ապրիլին Բաքվում կայացավ Գարեգին Բ-ի, Ալլահշուքյուր Փաշազադեի և Կիրիլ Պատրիարքի եռակողմ հանդիպումը Հաշախարհային կրոնական գագաթնաժողովի շրջանակներում:
Անկախ Պետությունների Համագործակցության Միջկրոնական խորհուրդը հասարակական կազմակերպություն է, որը ստեղծվել է ԱՊՀ ավանդական կրոնական միավորումների կողմից: -0-
