480.45
+0.06
537.05
+0.45
8.13
+0.06
+21
Եղանակը Երևանում
Հայ
Պրահայում ՀՀ դեսպանատուն է բացվել
13:09
23 Նոյեմբերի 2011

Նախօրեին տեղի է ունեցել Պրահայում ՀՀ դեսպանատան բացման պաշտոնական արարողությունը՝ Հայաստանի և Չեխիայի արտգործնախարարներ Էդվարդ Նալբանդյանի և Կարել Շվարցենբերգի ներկայությամբ, հաղորդում է ՀՀ ԱԳՆ մամուլի ծառայությունը:

Արարողությանը ներկա էին Պրահայում հավատարմագրված դեսպաններ, Չեխիայի խորհրդարանի անդամներ, հայ համայնքի ներկայացուցիչներ:

Երկու երկրների ԱԳ նախարարների՝ նույն օրը տեղի ունեցած հանդիպման ժամանակ Կարել Շվարցենբերգը շնորհավորեց Պրահայում Հայաստանի դեսպանության բացման կապակցությամբ` ընդգծելով, որ դիվանագիտական ներկայացուցչություն հիմնելու Հայաստանի իշխանությունների որոշումը նոր լիցք կհաղորդի հայ-չեխական համագործակցությանը:  

Նալբանդյանն իր հերթին նշել է, որ Պրահայում Հայաստանի դեսպանության բացումը վկայում է Չեխական Հանրապետության հետ բարեկամական գործընկերությունը խորացնելու և ընդլայնելու հայկական կողմի նպատակադրվածության մասին։

«Շուրջ երեք տարի առաջ Չեխիա կատարած իմ այցելության ընթացքում մենք ընդգծեցինք, որ պետք է լրացուցիչ ջանքեր գործադրենք մեր հարաբերությունների զարգացման համար։ Այսօր մենք գոհունակությամբ կարող ենք նշել, որ մեր հարաբերություններն որակապես նոր մակարդակի վրա են բարձրացվել», - նշել է ՀՀ ԱԳ նախարարը:

«Հաճելի է նշել, որ անցած մի քանի տարիների ընթացքում իրական առաջընթաց է արձանագրվել քաղաքական երկխոսության ակտիվացման,  բարձրաստիճան այցերի կազմակերպման, իրավապայմանագրային դաշտի ամրապնդման ուղղությամբ», - ավելացրել է Նալբանդյանը:

Նա հիշեցրել է, որ անցած երեք տարիներին Հայաստանի նախագահը, վարչապետը և արտաքին գործերի նախարարն այցելել են Պրահա։

Նալբանդյանի խոսքերով՝ ակտիվացել են միջխորհրդարանական կապերը:

«Նախարարները գոհունակությամբ նշեցին, որ վերջին երեք տարվա ընթացքում երկկողմ ութ համաձայնագրեր են ստորագրվել», - նշվում է տեղեկատվության մեջ:

Հայաստանի և Չեխիայի արտաքին քաղաքական գերատեսչությունների ղեկավարները հանգամանալից խոսեցին երկուստեք հետաքրքրություն ներկայացնող միջազգային և տարածաշրջանային խնդիրների մասին: Էդվարդ Նալբանդյանն ու Կարել Շվարցենբերգը անդրադարձան առևտրատնտեսական համագործակցության ներուժի օգտագործմանը,  ներդրումների խրախուսման նպատակով քայլերի ձեռնարկմանը, մշակութային փոխանակումների ակտիվացմանը:

Նախարարները քննարկեցին Հայաստան-ԵՄ համագործակցությունը, Արևելյան գործընկերության շրջանակներում իրականացվող ծրագրերը։

Միաժամանակ Չեխիայի արտգործնախարարը բարձր գնահատեց Հայաստանում իրականացվող բարեփոխումները:

Միջգերատեսչական փոխգործակցության ակտիվացման համատեքստում նախարարները պայմանավորվեցին ԱԳՆ-ի միջև խորհրդակցությունների ծրագիր մշակել և համագործակցություն ծավալել ՀՀ ԱԳՆ դիվանագիտական դպրոցի և  Չեխիայի ԱԳՆ դիվանագիտական ակադեմիայի միջև:

Էդվարդ Նալբանդյանն իր չեխ գործընկերոջը ներկայացրեց Լեռնային Ղարաբաղի հիմնախնդրի կարգավորման գործընթացը։ Երկուստեք ընդգծվեց, որ հիմնախնդրի խաղաղ բանակցային կարգավորումն այլընտրանք չունի։

Էդվարդ Նալբանդյանը հանդիպել է նաև Սենատի նախագահի առաջին տեղակալ Պրեմիսլ Սոբոտկայի և Սենատի տարբեր քաղաքական ուժեր ներկայացնող սենատորների հետ:

«Չեխ սենատորները բարձր գնահատեցին Պրահայում ՀՀ դեսպանության հիմնադրումը՝ վստահություն հայտնելով, որ մշտական դիվանագիտական ներկայացուցչությունը լուրջ խթան կհանդիսանա հարաբերությունների հետագա ամրապնդման գործում», - նշվում է տեղեկատվության մեջ:

Հանդիպմանը քննարկումներ ծավալվեցին երկկողմ հարաբերությունների ամրապնդման, միջխորհրդարանական համագործակցությանն առնչվող մի շարք հարցերի շուրջ:

Սենատորների խնդրանքով Էդվարդ Նալբանդյանը ներկայացրեց Հայաստանի արտաքին քաղաքականության հիմնական ուղղություններն ու առաջնահերթությունները:

Նույն օրը ՀՀ ԱԳ նախարարը արտաքին քաղաքականության վերաբերյալ ծավալուն ելույթով հանդես եկավ Չեխիայի Միջազգային հարաբերությունների ասոցիացիայում, ինչպես նաև հանդիպել է Չեխիայի հայկական համայնքային կազմակերպությունների ներկայացուցիչների հետ, հարցազրույց է տվել չեխական առաջատար «Լիդովե Նովիցի» թերթին: -0-

Loading...
Թեմատիկ նյութեր
Բաժնի այլ նյութեր
00:46
26 Հունիսի 2017
Հայկական ձևով հնդկահավն իրարանցում է առաջացրել Բաքու մեկնող ինքնաթիռում (ՎԻԴԵՈ)
Հայկական ձևով հնդկահավն ու բրինձը իրարանցում են առաջացրել Բաքու մեկնող ինքնաթիռում։
21:02
22 Հունիսի 2017
Սերժ Սարգսյանը ԵԺԿ–ի գագաթնաժողովում ներկայացրել է Հայաստանի առաջընթացը
Հայաստանի նախագահ Սերժ Սարգսյանը Բրյուսելում մասնակցել է Եվրոպական ժողովրդական կուսակցության` ընդլայնված կազմով գագաթնաժողովին:
14:01
22 Հունիսի 2017
Նիկոլ Փաշինյանը`Վահրամ Բաղդասարյանին. «Պադեզդի մակարդակ եք ուզում, եկեք գնանք...» (ՎԻԴԵՈ)
«Գիշերը երևի վատ է անդրադարձել, երեկ ավելի օբյեկտիվ ելույթներ էին հնչում»,-ասաց Վահրամ Բաղդասարյանը:  
19:09
21 Հունիսի 2017
ՀՀ նախագահն աշխատանքային այցով մեկնել է Բրյուսել
ՀՀ նախագահ Սերժ Սարգսյանն այսօր երեկոյան աշխատանքային այցով մեկնել է Բելգիայի Թագավորություն։
15:20
20 Հունիսի 2017
Ֆրանսահայ համայնքի պատմության նոր էջ. 4 հայ պատգամավորներ ընտրվել են Ֆրանսիայի ԱԺ–ում
Էմանուել Մակրոնի «Առաջ, հանրապետություն» կուսակցությունից չորս ֆրանսահայեր անցել են Ֆրանսիայի խորհրդարան:
15:26
19 Հունիսի 2017
Հայաստանի և Ադրբեջանի նախագահները պատրաստ են շարունակել բանակցությունները ԼՂ հիմնահարցի շուրջ. ռուս միջնորդ
Հայաստանի և Ադրբեջանի նախագահներ Սերժ Սարգսյանն ու Իլհամ Ալիևը պատրաստ են շարունակել ղարաբաղյան հակամարտության կարգավորմանն ուղղված խաղաղ բանակցությունները:
18:54
15 Հունիսի 2017
Մենք կարող ենք ինքներս լուծել և՛ Ղարաբաղում, և՛ Մերձդնեստրում, և՛ Ուկրաինայում առկա խնդիրները. Լուկաշենկո
Բելառուսի նախագահ Ալեքսանդր Լուկաշենկոն անդրադարձել է ՀԱՊԿ տարածաշրջանի երկրների որոշ խնդիրների։
20:00
14 Հունիսի 2017
Հայաստանն ու Տաջիկստանը, հնարավոր է, ուղիղ ավիահաղորդակցություն գործարկեն. Սարգսյան
Հայաստանն ու Տաջիկստանը դիտարկում են երկու երկրների միջև ուղիղ ավիաչվերթի գործարկման հնարավորությունը:
18:41
14 Հունիսի 2017
Տաջիկստանի նախագահը նշել է Հայաստանի հետ համագործակցության հեռանկարային ոլորտները (ՖՈՏՈ)
ՀՀ նախագահի հրավերով պաշտոնական այցով այսօր Հայաստան է ժամանել Տաջիկստանի Հանրապետության նախագահ Էմոմալի Ռահմոնը:
14:43
13 Հունիսի 2017
Նալբանդյանը նշել է ԵՄ-ի հետ շրջանակային համաձայնագրի ստորագրման ժամկետը
Էստոնիան ԵՄ նախագահությունը կստանձնի հուլիսի 1-ից:
13:43
12 Հունիսի 2017
Հայաստան կայցելի Էստոնիայի արտգործնախարար Սվեն Միկսերը
Էստոնիայի արտգործնախարարին կընդունեն հանրապետության նախագահը, Ազգային ժողովի նախագահը և վարչապետը։
15:38
09 Հունիսի 2017
ՀՀ նախագահն աշխատանքային այցով մեկնել է Ղազախստան
ՀՀ նախագահ Սերժ Սարգսյանն այսօր աշխատանքային այցով մեկնել է Ղազախստանի Հանրապետություն: