ԵՐԵՎԱՆ, 18 նոյեմբերի. /Նովոստի-Արմենիա/.  «ԳԱԶ-2410» մակնիշի ավտոմեքենան նախօրեին բախվել է ՀՀ նախագահի նստավայրի դարպասներին, տեղեկացվում է ՀՀ ոստիկանության կայքում:

Անվտանգության ծառայության աշխատակիցները կասեցրել են մեքենայի ընթացքը ու բռնել վարորդին:

Ահազանգով դեպքի վայր ժամանած ոստիկանության ծառայողները պարզել են, որ վարորդը 1972 թ. ծնված Վաչագան Իսոյանն է, ով եղել է ոգելից խմիչքի ազդեցության տակ:

Վաչագան Իսոյանը ձերբակալված է: Հանգամանքները պարզվում են:

Կատարվում է քննություն:-0-