Ավստրիայում ՀՀ դեսպանը Վիեննայում մի շարք միջազգային կազմակերպությունների մշտական ներկայացուցիչ է նշանակվել
ՀՀ նախագահ Սերժ Սարգսյանի հրամանագրով Ավստրիայի Հանրապետությունում ՀՀ արտակարգ և լիազոր դեսպան Արման Կիրակոսյանը, համատեղության կարգով, նշանակվել է Վիեննայում Միավորված ազգերի կազմակերպության գրասենյակում և այլ միջազգային կազմակերպություններում Հայաստանի Հանրապետության մշտական ներկայացուցիչ (նստավայրը` Վիեննա), հաղորդում է հայկական պետության ղեկավարի մամուլի ծառայությունը:
Հոկտեմբերի 13-ին Արման Կիրակոսյանն ազատվել էր ՀՀ արտաքին գործերի նախարարի տեղակալի պաշտոնից` այլ աշխատանքի անցնելու կապակցությամբ:
Պետության ղեկավարի այլ հրամանագրով Արման Կիրակոսյանը նշանակվել է Ավստրիայի Հանրապետությունում ՀՀ արտակարգ և լիազոր դեսպան՝ համատեղության կարգով նշանակվելով նաև Եվրոպայի անվտանգության և համագործակցության կազմակերպությունում ՀՀ առաքելության ղեկավար (նստավայրը` Վիեննա):-0-