484.04
+0.53
523.1
+1.64
8.44
+0.03
+1
Եղանակը Երևանում
Հայ
ԵԱՀԿ ՄԽ համանախագահներն ընդգծում են այլ ձևաչափերում ղարաբաղյան խնդրի քննարկման անընդունելիությունը
15:53
13 Հոկտեմբերի 2011

ԵՐԵՎԱՆ, 13 հոկտեմբերի. /Նովոստի-Արմենիա/. ԵԱՀԿ ՄԽ համանախագահները հայտարարել են այլ ձևաչափերում ղարաբաղյան հակամարտության կարգավորման անընդունելիության մասին, հինգշաբթի լրագրողներին է հայտարարել ԵԱՀԿ ԽՎ-ում հայկական պատվիրակության անդամ Խաչիկ Հարությունյանը:

Հոկտեմբերի 8-ին Խորվաթիայի Դուբրովնիկ քաղաքում ԵԱՀԿ խորհրդարանական վեհաժողովի աշնանային նստաշրջանի շրջանակներում տեղի է ունեցել քննարկում «Հակամարտությունների կարգավորման հարցում ԵԱՀԿ ԽՎ-ի դերը. Լեռնային Ղարաբաղ» թեմայով, որին ներկա է գտնվել ԵԱՀԿ 56 անդամ-երկրների շուրջ հարյուր պատգամավոր: Քննարկումների ընթացքում զեկույցներով հանդես են եկել ԵԱՀԿ ՄԽ համանախագահներ Բեռնար Ֆասիեն (Ֆրանսիա), Ռոբերտ Բրադտկեն (ԱՄՆ) և Իգոր Պոպովը (ՌԴ):

«Քննարկումների ընթացքում ադրբեջանական կողմը հերթական անգամ հայտարարել է, որ եկել է ղարաբաղյան հարցի քննարկումը ՄԽ ձևաչափից այլ ձևաչափեր տեղափոխելու ժամանակը, ինչին ի պատասխան՝ բոլոր երեք համանախագահները հայտարարել են, որ ՄԽ-ն միակ ձևաչափն է, որի շրջանակներում հնարավոր է կարգավորումը, և այլ հարթակ չի կարող լինել», - ասել է Հարությունյանը:

Նրա խոսքերով՝ համանախագահները բավականին կոշտ հայտարարություն են արել ուժի չկիրառման և ուժի սպառնալիքի վերաբերյալ:

«Մասնավորապես նշվել է, որ թող կողմերից որևէ մեկը չկարծի, թե կարող է հաջողության հասնել ուժի կիրառման կամ պատերազմի օգնությամբ: Միաժամանակ նշվել է, որ Ադրբեջանի ռազմական բյուջեն շատ անգամներ գերազանցում է Հայաստանի ռազմական բյուջեին», - նշել է պատգամավորը:

Նա նաև ընդգծել է, որ հնչած ելույթներում կարմիր թելի պես անցնում էր այն միտքը,  թե բանակցությունների ձգձգման հիմնական «մեղավորն» Ադրբեջանն է:

«Օրինակ՝ Բեռնար Ֆասիեն մի քանի անգամ նշեց, որ Մադրիդյան սկզբունքների շրջանակներում համաձայնության հասնելու մի քանի հնարավորություն է եղել, սակայն կողմերից մեկը մշտապես լրացուցիչ խոչընդոտներ է ստեղծել, ինչի հետևանքով բանակցություններում չի հաջողվել առաջընթացի հասնել», - հայտարարել է Հարությունյանը:

ԵԱՀԿ ԽՎ-ում հայկական խորհրդարանական պատվիրակության անդամ Արտակ Դավթյանն իր հերթին տեղեկացրել է, որ թուրք պատգամավորները հայտարարել են, որ պատրաստ են ավելի ակտիվ միջնորդություն իրականացնել Ղարաբաղի շուրջ ընթացող բանակցություններում, ինչին ի պատասխան՝ Ռոբերտ Բրադտկեն ընդգծել է, որ բանակցություններին մեծ թվով միջնորդների մասնակցությունն անարդյունավետ է:

«Քննարկումն ընդհանուր առմամբ բարենպաստ էր մեզ համար: Կարծում եմ, որ ներկա գտնվող պատգամավորների մեծ մասի մոտ ձևավորվեց համանախագահների դիրքորոշումներին ու հայկական կողմի պատկերացումներին և սպասումներին համահունչ տեսակետ», - նշել է նա:

Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ նրանք կորցրեցին վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:

1994թ. մայիսի 12-ին զինադադարի վերաբերյալ եռակողմ համաձայնագրի կնքումից  հետո հակամարտության գոտում դադարեցին ռազմական գործողությունները, որոնց արդյունքում երկու կողմից էլ եղավ շուրջ 25-30 հազար զոհ և մոտ մեկ միլիոն մարդ  ստիպված լքեց բնօրրանը:

Հրադադարի ռեժիմ հաստատելու վերաբերյալ համաձայնագիրը մինչև այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան: -0-

Loading...
Թեմատիկ նյութեր

Բաժնի այլ նյութեր
11:16
16 Մարտի 2017
ՀՀԿ–ի ներսում ամեն ինչ հարթ չէ. դժգոհություն է հասունանում
ՀՀԿ-ում իրավիճակն այնքան պարզ եւ հարթ չէ, ինչպես թվում է կողքից։
18:10
13 Մարտի 2017
Լուկյանով. Ռուսաստան–Թուրքիա–Ադրբեջան միություն երբեք չի կարող լինել
Ռուսաստանի, Թուրքիայի և Ադրբեջանի միջև միության մասին երբեք խոսք լինել չի կարող, հայտարարեց քաղաքագետ Ֆյոդոր Լուկյանովը։
11:33
10 Մարտի 2017
ՀՀ նախագահը ՌԴ–ում ՀՀ նոր դեսպան է նշանակել
Ավելի վաղ նախագահի հրամանագրով Օլեգ Եսայանն ազատվել էր ՌԴ–ում ՀՀ դեսպանի պաշտոնից։
11:14
10 Մարտի 2017
Օլեգ Եսայանն ազատվել է ՌԴ–ում ՀՀ դեսպանի պաշտոնից
ՀՀ նախագահ Սերժ Սարգսյանն ուրբաթ հրամանագիր է ստորագրել Օլեգ Եսայանին ՌԴ–ում ՀՀ արտակարգ և լիազոր դեսպանի պաշտոնից ազատելու մասին։
20:19
07 Մարտի 2017
Մեկնարկել է նախագահ Սերժ Սարգսյանի պաշտոնական այցը Ֆրանսիա
ՀՀ նախագահ Սերժ Սարգսյանը Ֆրանսիայի Հանրապետության նախագահ Ֆրանսուա Օլանդի հրավերով այսօր պաշտոնական այցով ժամանել է Ֆրանսիա:
16:48
06 Մարտի 2017
Ռոբերտ Քոչարյան. ընթացիկ քաղաքական գործընթացի մեջ մտնելու ոչ մի ցանկություն չունեմ
Հայաստանի երկրորդ նախագահ Ռոբերտ Քոչարյանը երկուշաբթի հարցազրույց է տվել 2rd.am կայքին:
16:20
06 Մարտի 2017
Ուսումնասիրություն. «Ծառուկյան դաշինքն» առաջ է անցնում ՀՀԿ–ից նախընտրական քարոզարշավի սկզբում
«Ծառուկյան դաշինքն» առաջ է անցնում ՀՀԿ–ից նախընտրական քարոզարշավի սկզբում։
12:55
06 Մարտի 2017
Լևոն Տեր–Պետրոսյանի բացակայությունը իր դաշինքի ակցիաներին կապված չէ առողջական վիճակի հետ
ՀՀ առաջին նախագահ Լևոն Տեր-Պետրոսյանի բացակայությունը դաշինքի վերջին միջոցառումներին կապված չէ նրա առողջական վիճակի հետ:
12:29
01 Մարտի 2017
ՀՀ նախագահը մեկնում է Ռուսաստան` ամրապնդելու տնտեսական համագործակցությունը
ՀՀ նախագահ Սերժ Սարգսյանը մարտի 14–ին երկօրյա պաշտոնական այցով կմեկնի Մոսկվա։
12:19
22 Փետրվարի 2017
Խաչատուր Սուքիասյան. աջակցում եմ ՀԱԿ–ին, բայց Ծառուկյանի կողքին եմ
Ես նախկինում էլ հայտարարել եմ, որ աջակցել եմ և աջակցելու եմ` հաշվի առնելով այն հանգամանքը, որ նրանց հետ ես քաղաքական դժվար ճանապարհ եմ անցել, նշել է Սուքիասյանը։
10:57
22 Փետրվարի 2017
ԲՀԿ–ում ցայտնոտ է. ԲՀԿ–ականները տարբեր «կանալներով» փորձում են ճշտել ցուցակում իրենց տեղը
Հաշված ԲՀԿ-ականներ են տեսել ցուցակները, հրապարակվել է միայն առաջին տասնյակը։
16:17
21 Փետրվարի 2017
ՀՀ վարչապետը պաշտոնական այցով կմեկնի Վրաստան
Հայաստանի վարչապետ Կարեն Կարապետյանը փետրվարի 23–ին երկօրյա պաշտոնական այցով կմեկնի Վրաստան։