Հոկտեմբերին Հայաստանում մարդու իրավունքների պաշտպանության համար «Թեժ գիծ» կբացվի. Օմբուդսմեն
2011թ.-ի հոկտեմբերին Հայաստանում մարդու իրավունքների պաշտպանության հետ կապված խնդիրներին արագ արձագանքման համար նոր «թեժ գիծ» կբացվի, ուրբաթ ասաց ՀՀ մարդու իրավունքների պաշտպան Կարեն Անդրեասյանը:
Ըստ նրա՝ գիծը կբացվի Օմբուդսմենի գրասենյակի նախաձեռնությանը միացած յոթ հասարակական կազմակերպությունների հետ համատեղ:
Միաժամանակ Անդրեասյանն ասաց, որ վերացրել է օմբուդսմենի գրասենյակին առընթեր նախկինում գործող «թեժ գիծը», քանի որ այն չի արդարացրել իրեն:
«Առաջիկայում մենք ուզում ենք համախմբել մեր «թեժ գծերը» և լինել այնտեղ, որտեղ հնարավոր են մարդու իրավունքների հնարավոր խախտումներն ու բռնության դեպքերը»,- ուրբաթ Հայաստանում խոշտանգումների և նվաստացուցիչ ու անմարդկային հարաբերությունների մասին Եվրահանձնաժողովի զեկույցի քննարկման ընթացքում ասաց Անդրեասյանը:
Նա նշեց, որ տվյալ նախաձեռնությանը հետագայում կմիանան ՄԱԿ-ի և Եվրահանձնաժողովի փորձագետները:
«Թեժ գծի» համարը դեռ չի հրապարակվել: -0-