ՆԱՏՕ-ում Հայաստանի առաքելության ղեկավարը Դաշինքի գլխավոր քարտուղարին Հայաստան է հրավիրել
![ՆԱՏՕ-ում Հայաստանի առաքելության ղեկավարը Դաշինքի գլխավոր քարտուղարին Հայաստան է հրավիրել ՆԱՏՕ-ում Հայաստանի առաքելության ղեկավարը Դաշինքի գլխավոր քարտուղարին Հայաստան է հրավիրել](/upload/iblock/80b/xeu0ugaeioa1x89mgeji00neocb4fdif.jpg)
Օգոստոսի 1-ին ՆԱՏՕ-ում Հայաստանի առաքելության ղեկավար Արմեն Եդիգարյանը ՆԱՏՕ-ի գլխավոր քարտուղարի նորանշանակ օգնական, Հանրային դիվանագիտության ստորաբաժանման ղեկավար Կոլինդա Գրաբար-Կիտարովիչին Հայաստան է հրավիրել՝ «ՆԱՏՕ-ի շաբաթ» հերթական ամենամյա միջոցառմանը մասնակցելու համար, նախօրեին Բրյուսելում Եդիգարյանի և Գրաբար-Կիտարովիչի հանդիպումից հետո հաղորդում է ՀՀ ԱԳՆ մամուլի ծառայությունը:
Հաղորդագրության համաձայն` հանդիպման սկզբին ՀՀ առաքելության ղեկավարը շնորհավորեց Գրաբար-Կիտարովիչին պաշտոնում նշանակվելու կապակցությամբ և հաջողություններ մաղթեց նրան աշխատանքային նոր ոլորտում:
Արմեն Եդիգարյանը և Կոլինդա Գրաբար-Կիտարովիչը քննարկեցին հանրային դիվանագիտության ոլորտում ՆԱՏՕ-Հայաստան համագործակցության զարգացումը՝ նշելով, որ այդ գործընթացին նպաստում են 2007 թվականից Հայաստանում մեկնարկած ամենամյա «ՆԱՏՕ-ի շաբաթ» միջոցառումները և արդեն չորս տարի Երևանում գործող ՆԱՏՕ-ի տեղեկատվական կենտրոնը: -0-