478.04
+0.15
564.85
-3.12
8.3
-0.03
+21
Եղանակը Երևանում
Հայ
Հայաստանում լեռնային տուրիզմի զարգացման հսկայական ներուժ կա. Ֆեդերացիայի փոխնախագահ
18:56
19 Հուլիսի 2011

Հայաստանը չափազանց գրավիչ երկիր է՝ լեռնային տուրիզմի և ալպինիզմի զարգացման համար, երեքշաբթի մամուլի ասուլիսի ժամանակ հայտարարեց Հայաստանի ալպինիզմի և լեռնային տուրիզմի ֆեդերացիայի փոխնախագահ Սուրեն Դանիելյանը:

«Բնական պայմանները այլ երկրների համեմատ Հայաստանին հսկայական առավելություն են տալիս լեռնային տուրիզմի զարգացման համար: Երկրի լեռնային ռելիեֆը կարող է հզոր հիմք ծառայել ալպինիզմի զարգացման համար, իսկ լեռնագնացային երթուղիների տեսակետից Հայաստանը կարող է առաջատար դառնալ ողջ աշխարհում», - ասաց Դանիելյանը:

Նա նաև ափսոսանքով նշեց, որ Հայաստանում լեռնային տուրիզմի հնարավորությունները գրեթե ներկայացված չեն աշխարհին:

«Մենք պետք է ավելի լուրջ վերաբերվենք դրանք՝ հաշվի առնելով երկրի հսկայական ներուժը: Մասնավորապես, մենք կարող ենք CNN կամ BBC հեռուստաալիքներով Հայաստանը ներկայացնել՝ որպես լեռնային տուրիզմի երկիր, և դա անպայման կտա իր արդյունքները», - ավելացրեց նա:

Դանիելյանի կարծիքով՝ Հայաստանում լեռնային տուրիզմի և ալպինիզմի զարգացմանը հիմնականում խոչընդոտում է համապատասխան օրենսդրական կարգավրոման բացակայությունը:

«Օրինակ, երկիր է այցելում մի զբոսաշրջիկ և ցանկանում է բարձրանալ Արագած լեռը: Սակայն մենք չունենք որևէ մարմին, ուր նա կարող է դիմել և տեղեկացնել, թե ուր է գնում, քանի օրով, որպեսզի արտակարգ պատահարի դեպքում փրկարարների օգնությունն ակնկալի: Այս ամենից հետևում է, որ նա պետք է հույսն իր վրա դնի, առանց պետական մարմինների աջակցության կամ դիմի մասնավոր կազմակերպությունների», - ասաց Դանիելյանը:

Խոսելով այլ երկրների գործընկերների հետ համագործակցության մասին՝ Դանիելյանը տեղեկացրեց, որ հայկական ֆեդերացիան սերտ կապեր է հաստատել Իրանի ալպինիզմի ֆեդերացիայի հետ, որի հրավերով Հայաստանի հավաքականը յոթ հոգուց բաղկացած կազմով հունիսի 30-ին մեկնել է Իրան և բարձրացել է Դեմավենդ լեռը (5 671), իսկ այս տարվա հոկտեմբերին հայկական թիմն իրանցի ալպինիստներին հրավիրել է Հայաստան:

Նա նշեց, որ այժմ ֆեդերացիան աշխատում է Ռուսաստանի և Վրաստանի ալպինիզմի ֆեդերացիաների հետ կապերի հաստատման ուղղությամբ: «Մենք մտածում ենք նաև ազգային հավաքականի ստեղծման մասին», - տեղեկացրեց Դանիելյանը:

Նրա խոսքերով՝ ֆեդերացիային կից գործում է անվճար ուսումնական կենտրոն, որտեղ կարող են դիմել բոլոր ցանկացողներն առանց տարիքային սահմանափակման: Ցանկացողները կարող են դիմել հետևյալ հասցեով՝ քաղաք Երևան, Արցախի փողոց 20:

Հայաստանի ալպինիզմի և լեռնային տուրիզմի ֆեդերացիան իր գործունեությունը սկսել է 2011 թվականի մարտի 1-ից: Ֆեդերացիայի նպատակներն են երկրում լեռնային սպորտաձևերի զարգացումը, երիտասարդության ներգրավումը ակտիվ հանգստին, Հայաստանի ներկայացումը միջազգային ալպինիստական կառույցներում: Ֆեդերացիայի նախագահ է ընտրվել ԱԻՆ Հայաստանի փրկարար ծառայության տնօրեն, գեներալ-մայոր Սերգեյ Ազարյանը: --0—

Loading...
Թեմատիկ նյութեր
Բաժնի այլ նյութեր
14:20
26 Սեպտեմբերի 2017
Մեծ Բրիտանիայի եվրահարցերով պետնախարարը կժամանի Երևան
Մեծ Բրիտանիայի` Ամերիկայի և Եվրոպական հարցերով պետնախարար Ալան Դունկանը սեպտեմբերի 26–28–ին ՀՀ ԱԳՆ ղեկավար Էդվարդ Նալբանդյանի հրավերով կժամանի Երևան։
11:21
26 Սեպտեմբերի 2017
Իրաքյան Քուրդիստանում քաղաքացիների 93%-ն «այո» է ասել անկախացմանը
Նախօրեին անկախության հարցով հանրաքվե է անցկացվել Իրաքյան Քուրդիստանում։
17:06
23 Սեպտեմբերի 2017
Հայաստանի և Ադրբեջանի ԱԳՆ ղեկավարները կհանդիպեն Նյու Յորքում
Հայաստանի և Ադրբեջանի ԱԳ նախարարներ Էդվարդ Նալբանդյանը և Էլմար Մամեդյարովի հանդիպումը կկայանա  Նյու Յորքում:
15:38
20 Սեպտեմբերի 2017
Ղարաբաղյան հակամարտությունը կարող է կարգավորվել բացառապես խաղաղ ճանապարհով. Լեհաստանի նախագահ
Ղարաբաղյան հակամարտությունը կարող է կարգավորվել բացառապես խաղաղ ճանապարհով:
12:02
20 Սեպտեմբերի 2017
ՀՀ նախագահ. Հայաստանը հայ–թուրքական արձանագրությունները հայտարարելու է առ ոչինչ
Հայ–թուրքական արձանագրությունների կենսագործման ուղղությամբ որևէ դրական տեղաշարժի բացակայության պայմաններում Հայաստանը այդ արձանագրությունները հայտարարելու է առ ոչինչ, հայտարարել է ՀՀ նախագահ Սերժ Սարգսյանը:
21:05
19 Սեպտեմբերի 2017
Շավարշ Քոչարյանը` ղարաբաղյան հակամարտության մասին. ոչ մեկը ոչ մեկին ոչ մի տարածք չի տալիս
Շավարշ Քոչարյանը տարակուսանք է հայտնել այն իրարանցման կապակցությամբ, որն առաջացրել է ղարաբաղյան հարցի վերաբերյալ ՀՀ ԱԳ նախարարի արված հայտարարությունը։
16:03
19 Սեպտեմբերի 2017
ՀՀԿ–ն դեռ վերջնական որոշում չի ընդունել վարչապետի թեկնածության հարցում
ՀՀԿ–ն դեռ պաշտոնական որոշում չի ընդունել, թե ով է զբաղեցնելու վարչապետի պաշտոնը 2018 թվականի ընտրություններից հետո։
14:25
19 Սեպտեմբերի 2017
Գարո Փայլան. միայն ժողովրդական Թուրքիան կարող է ճանաչել Հայոց ցեղասպանությունը
Միայն ժողովրդական Թուրքիան կարող է ճանաչել Հայոց ցեխասպանությունը և բացել սահմանները:
12:51
19 Սեպտեմբերի 2017
Նալբանդյանը չի բացառում Արցախի անվտանգությանը չսպառնացող տարածքների վերադարձը
Հայաստանի արտաքին գործերի նախարար Էդվարդ Նալբանդյանը չի բացառում Արցախի անվտանգությանը չսպառնացող տարածքների վերադարձը։
19:25
18 Սեպտեմբերի 2017
Նալբանդյան. Հայաստանը մտադիր է դիվանագիտական հարաբերություններ հաստատել վեց երկրների հետ
Հայաստանը մտադիր է դիվանագիտական հարաբերությունների մասին համաձայնագրեր ստորագրել վեց երկրների հետ:
17:39
18 Սեպտեմբերի 2017
ՀՀ պաշտպանության նախարարը ներկայացրել է Ռուսաստանից սպառազինություն գնելու պայմանները
Ռուսաստանը Հայաստանին սպառազինություն է վաճառում ներքին գներով:
16:47
18 Սեպտեմբերի 2017
ԱԳ նախարար. հայկական կողմը ԵՄ-ի հետ շրջանակային համաձայնագրի ստորագրման խոչընդոտներ չի տեսնում
Հայկական կողմից Եվրամիության հետ շրջանակային համաձայնագիր ստորագրելու խոչընդոտներ չկան: