478.57
+0.37
561.79
+1.96
8.05
+0.02
+22
Եղանակը Երևանում
Հայ
Երևանի անկարգությունների բոլոր մեղավորները պատժվելու են. Քոչարյան
16:35
05 Մարտի 2008

ԵՐԵՎԱՆ, 5 մարտի./Նովոստի-Արմենիա/. Երևանում տեղի ուենցած անկարգությունների բոլոր մասնակիցները պատժվելու են։ Այս մասին չորեքշաբթի լրագրողներին հայտարարեց ՀՀ նախագահ Ռոբերտ Քոչարյանը։

Նախագահի խոսքերով, յուրաքանչյուրը պետք է ստանա իր արարքներին համապատասխան և արժանի պատիժ։ «Առաջին հերթին պետք է պատժվեն կազմակերպիչները, որոնք իրենց գործողություններով հասցրեցին նրան, որ ցուցարարները վերածվեցին անկառավարելի ամբոխի»,- ասաց Քոչարյանը։

Նրա խոսքերով, հատուկ վերաբերմունք է լինելու նրանց նկատմամբ, ովքեր զենք և պայթուցիկ նյութեր են կիրառել։

«Դա մարդկանց մեկ այլ կատեգորիա է, որոնք այսօր կազմակերպիչների հետ միասին թաքնվում են իրավապահ մարմիններից և արդարադատությունից, սակայն մենք գիտենք, թե որտեղ նրանց փնտրենք»,- ասաց Քոչարյանը։

Նախագահը նշեց, որ անկարգությունների մասնակիցներին արված ոստիկանության կոչը, որպեսզի նրանք կամավոր ներկայանան բաժին, կօգնի ավելի արագ վերականգնել իրադարձությունների պատկերը և հանրությանը լիարժեք և հստակ տեղեկատվություն տալ։

Ըստ Քոչարյանի, հանրահավաքի մասնակիցներին կարելի է բաժանել երեք խմբի։ Առաջին խմբում հանրահավաքների ագրեսիվ տրամադրված կազմակերպիչներն են, որոնցից են «Իմպիչմենտ» դաշինքի առաջնորդ Նիկոլ Փաշինյանը և նրանք, ովքեր, հասկանալով իրավիճակի բարդությունը, փորձում էին հանգստացնել մարդկանց, ինչպես Դավիթ Շահնազարյանը (Տեր-Պետրոսյանի նախագահության ժամանակ ազգային անվտանգության ծառայության նախկին պետը)։

Մասնակիցների երկրորդ խմբում, նախագահի կարծիքով, զենքի և պայթուցիկ նյութերի գործածությամբ ոստիկանների վրա կատարված հարձակումների կազմակերպիչներն են։

«Զոհերի մեղքը հենց այս խմբի մասնակիցների վրա է։ Քանի որ նրանց գործողությունների հետևանքով վիրավորվել է ավելի քան 130 մարդ, որոնց մեծ մասը ոստիկաններ են։ Ոստիկանության դեմ այս հարձակումները կազմակերպված բնույթ էին կրում»,- ասաց Քոչարյանը։

Երրորդ խումբը, ըստ նախագահի, ցուցարարներն են, որոնք չեն մասնակցել հարձակումներին, սակայն ակտիվորեն մասնակցել են թալանին։

 «Այս երեք խմբերն էլ տարբեր աստիճանի մեղավորություն ունեն և նրանց նկատմամբ մոտեցումը պետք է տարբեր լինի։ Սակայն շատ անարդար կլիներ, եթե իրավապահ մարմինները, առանց պատժելու հրահրիչներին և կազմակերպիչներին, զբաղվեին միայն այն մարդկանցով, ովքեր հենց իրենք էին դարձել այդ հանրահավաքի զոհերը։ Խոսքն այն մարդկանց մասին է, որոնք ներկա են եղել հանրահավաքին, սակայն չեն մասնակցել ոստիկանության հետ բախումներին»,- ասաց Քոչարյանը։

Փետրվարի 20-ից Երևանի կենտրոնում, ՀՀ նախկին նախագահ Լևոն Տեր-Պետրոսյանի գլխավորությամբ, ընդդիմությունն անցկացնում էր հանրահավաքներ, քայլերթեր՝ բողոքելով փետրվարի 19-ի նախագահական ընտրությունների արդյունքների դեմ, որոնցում հաղթանակ էր տարել վարչապետ Սերժ Սարգսյանը։

Շաբաթ օրը՝ մարտի 1-ի առավոտյան ՀՀ ոստիկանությունը ցրել է հանրահավաքը, որից հետո նույն օրը դրա մասնակիցները տեղափոխվել են Ֆրանսիայի դեսպանատան մոտ՝ Երևանի քաղաքապետարանի մոտակայք, որտեղ շարունակել են բողոքի ցույցը։

Ոստիկանության տեղեկատվության համաձայն, երեկոյին մոտ իրավիճակը դարձել է անկառավարելի, և ամբոխը սկսել է ավերել և թալանել մոտակայքում գտնվող մասնավոր և պետական օբյեկտները։

Միայն մարտի 1-ից Երևանում նախագահի հրամանով արտակարգ դրություն  հայտարարելուց հետո իրավապահ մարմինների աշխատակիցները և բանակի զինծառայողները ցրել են  ցուցարարներին և դադարեցրել զանգվածային անկարգությունները։ Բախումների արդյունքում զոհվել է ութ մարդ, ևս 131-ը ստացել են տարբեր աստիճանի մարմնական վնասվածքներ։-0-

Loading...
Թեմատիկ նյութեր
Բաժնի այլ նյութեր
21:01
16 Օգոստոսի 2017
Միջնորդները Հայաստանի և Ադրբեջանի առաջնորդների հանդիպման հույս ունեն
ԵԱՀԿ Մինսկի խմբի համանախագահներն աշխատում են Հայաստանի և Ադրբեջանի ԱԳՆ ղեկավարների հանդիպման կազմակերպման ուղղությամբ:
20:55
09 Օգոստոսի 2017
Նալբանդյանը հնչեցրել է Հայաստանի և Ադրբեջանի ԱԳՆ ղեկավարների ծրագրվող հանդիպման վայրը
Հայաստանի արտաքին գործերի նախարար Էդվարդ Նալբանդյանը լրագրողներին հայտնել է Հայաստանի և Ադրբեջանի ԱԳՆ ղեկավարների կայանալիք հանդիպման մասին։

15:41
27 Հուլիսի 2017
Հայաստանի և Ադրբեջանի ԱԳ նախարարներն աշխատում են նախագահների հանդիպման ուղղությամբ
Հայաստանի և Ադրբեջանի ԱԳ նախարարներն աշխատում են երկու երկրների նախագահեր Սերժ Սարգսյանի և Իլհամ Ալիևի հանդիպման ուղղությամբ:
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։
18:23
10 Հուլիսի 2017
Ռուսաստանն Ադրբեջանին «Սոլնցեպյոկ» ՏՕՍ-1Ա հրթիռներ է մատակարարել
Հուլիսի 10-ին Ադրբեջանի ՊՆ-ն հրապարակել է տեսանյութ: