Կարևորում ենք հայկական կողմի մասնակցությունը ՀԱՊԿ–ի շրջանակում օպերատիվ և մարտական պատրաստվածության համատեղ միջոցառումներում. Շոյգու

ԵՐԵՎԱՆ, 25 մայիսի./Նովոստի–Արմենիա/. ՌԴ պաշտպանության նախարար Սերգեյ Շոյգուն կարևորել է հայկական կողմի մասնակցությունը ՀԱՊԿ–ի շրջանակում օպերատիվ և մարտական պատրաստվածության համատեղ միջոցառումներում։

«Հայաստանը մեր կազմակերպության անդամն է, մեր դաշնակիցը: Մենք շահագրգռված ենք խաղաղության հաստատմամբ և անում ենք հնարավոր ամեն ինչ Անդրկովկասում իրավիճակը կայունացնելու համար: Միաժամանակ, ես հատկապես կցանկանայի նշել Հայաստանի մասնակցության կարևորությունը ՀԱՊԿ-ի շրջանակում օպերատիվ և մարտական պատրաստվածության համատեղ միջոցառումներում»,- ասել է Շոյգուն հինգշաբթի Մինսկում ՀԱՊԿ անդամ երկրների պաշտպանության նախարարների խորհրդի նիստում, հաղորդում է ՏԱՍՍ-ը։

Հայաստանից նիստին մասնակցում է ՀԱՊԿ միացյալ շտաբում ՀՀ պաշտպանության նախարարության ներկայացուցիչ Արտակ Տոնոյանը։ ՀՀ պաշտպանության նախարար Սուրեն Պապիկյանը չի մեկնել Մինսկ։–0–