Գործը տանում ենք տարածաշրջանում տրանսպորտային ենթակառուցվածքի վերականգնման կոնկրետ նախագծերի շուտափույթ համաձայնեցմանը. ՌԴ ԱԳՆ

15:08

25 Ապրիլի 2022

ԵՐԵՎԱՆ, 25 ապրիլի./Նովոստի–Արմենիա/. Մոսկվան աջակցում է Բաքվի և Երևանի միջև խաղաղության պայմանագրի համաձայնեցմանը, մտադիր է կողմերի միջև ստեղծել վստահության և փոխըմբռնման մթնոլորտ, ՌԻԱ Նովոստիին հայտարարել է ՌԴ ԱԳՆ ԱՊՀ երկրների չորրորդ դեպարտամենտի տնօրեն Դենիս Գոնչարը։

Загружается новость ... "Лево"

«Աջակցում ենք Հայաստանի և Ադրբեջանի միջև խաղաղության պայմանագրի համաձայնեցմանը։ Ռուսական կողմը մտադիր է հետագայում ևս ամեն կերպ օգնել Բաքվին և Երևանին գտնել շփման եզրեր, ստեղծել վստահության և փոխըմբռնման մթնոլորտ։ Միաժամանակ ողջունում ենք երրորդ երկրների նախաձեռնությունները, որոնք կարող են լրացնել մեր եռակողմ ջանքերը, ոչ թե հիմնված են աշխարհաքաղաքական խաղերի տրամաբանության վրա», – հայտարարել է Գոնչարը։

Նա նշել է, որ Ռուսաստանի, Ադրբեջանի և Հայաստանի առաջնորդների եռակողմ պայմանավորվածությունների իրականացման շրջանակում լուծվում է խնդիրների մի ամբողջ համալիր, այդ թվում` հայ–ադրբեջանական սահմանի դելիմիտացիայի և հետագա դեմարկացիայի գործընթացի մեկնարկը, տարածաշրջանի տնտեսական և տրանսպորտային կապերի ապաշրջափակումը։

«Մասնավոպես մենք պատրաստ ենք տրամադրել խորհրդատվական աջակցություն սահմանների դելիմիտացիայի երկկողմ հանձնաժողովին, տրամադրել անհրաժեշտ քարտեզագրական նյութեր։ Գործը տանում ենք տրանսպորտային ենթակառուցվածքի վերականգնման և զարգացման կոնկրետ նախագծերի շուտափույթ համաձայնեցմանը Եռակողմ աշխատանքային խմբի շրջանակում` Ռուսաստանի, Ադրբեջանի և Հայաստանի փոխվարչապետերի համատեղ նախագահությամբ», – հայտարարել է Գոնչարը։–0–

Ծանոթացեք լուրերին առաջինն ու քննարկեք դրանք մեր Telegram-յան ալիքում

#Ռուսաստան #Հայաստան #Ադրբեջան #տարածաշրջան #տրանսպորտային ենթակառուցվածքներ #համաձայնեցնել

Թեմատիկ նյութեր