ԵՐԵՎԱՆ, 3 հունիսի. /Նովոստի-Արմենիա/. Հայաստանի արտաքին գործերի նախարարությունը հրավիրել է ՀՀ-ում Լեհաստանի արտակարգ և լիազոր դեսպան Պավել Չեպլակին բացատրություն տալու համար վիզաների տրամադրման գործընթացի ձգձգման կապակցությամբ: Այս մասին չորեքշաբթի լրագրողների հետ հանդիպմանն ասաց ՀՀ ԱԳՆ մամուլի քարտուղար Աննա Նաղդալյանը:
Ըստ հայկական ԶԼՄ-ների, Հայաստանում Լեհաստանի դեսպանատունն արհեստական խոչընդոտներ է ստեղծում լրագրողին վիզա տրամադրելու հարցում, իսկ ԱԳՆ-ից դեսպանատուն ուղարկված նոտան հաշվի չի առնվել:
Նաղդալյանը նշեց, որ Հայաստանը դիտարկում է այդ հարցն ավելի լայն ընկալման մեջ` ԵՄ–ի հետ վիզային ռեժիմի դյուրացման ընթացակարգի համատեքստում:
«ԵՄ-ի հետ փոխհարաբերությունների համատեքստում մենք մեծ նշանակություն ենք տալիս մարդկանց միջև կոնտակտների զարգացմանը և հետևողական կլինենք այդ հարցում: Մեզ համար անընդունելի է որևէ բացթողում այդ պայմանավորվածությունների դույթների իրականացման հարցում, և մենք խստորեն կդիտարկենք այդ հարցերը», - ասաց Նաղդալյանը:
Նա հավելեց նաև, որ Լեհաստանի դեսպանին ներկայացվել է Հայաստանի դիրքորոշումը:-0-