Ժամկետային զինծառայողը մահացել է Ղարաբաղի մարտական դիրքերում ստացած հրազենային վնասվածքից
31.01.2012,
11:12
Ժամկետային զինծառայողը մահացել է Ղարաբաղի մարտական դիրքերում ստացած հրազենային վնասվածքից
ԵՐԵՎԱՆ, 31 հունվարի. /Նովոստի-Արմենիա/. Հունվարի 27-ին ժամը 03:05-ի սահմաններում ԼՂՀ N զորամասի մարտական դիրքում ստացած հրազենային մարմնական վնասվածքից մահացել է նույն զորամասի ժամկետային զինծառայող, շարքային Փայլակ Շահնազարյանը, «Նովոստի-Արմենիա» գործակալությանը հաղորդեցին ՀՀ ՊՆ մամուլի ծառայությունից:
Հաղորդագրության համաձայն, ՊՆ քննչական ծառայության երրորդ կայազորային քննչական բաժնում ՀՀ Քրեական օրենսգրքի 104 հոդվածի 1-ին մասով նախատեսված հանցագործության հատկանիշներով (սպանություն) հարուցվել է քրեական գործ:
Սպանություն կատարելու կասկածանքով հունվարի 28-ին ձերբակալվել է նույն զորամասի ժամկետային զինծառայող, եֆրեյտոր Խաչատուր Սարգսյանը: Քրեական գործի նախաքննությունը շարունակվում է: -0-
Պատճենել հղումը
