«BRIDGE ARTSAKH 2011» տնտեսական համաժողովը կանցկացվի սեպտեմբերի 30-ից մինչև հոկտեմբերի 3-ը Ստեփանակերտում
![«BRIDGE ARTSAKH 2011» տնտեսական համաժողովը կանցկացվի սեպտեմբերի 30-ից մինչև հոկտեմբերի 3-ը Ստեփանակերտում «BRIDGE ARTSAKH 2011» տնտեսական համաժողովը կանցկացվի սեպտեմբերի 30-ից մինչև հոկտեմբերի 3-ը Ստեփանակերտում](/upload/iblock/f1b/t1rqb2mqi67xouqaxbcp9sqlxcj3cap9.jpg)
«BRIDGE ARTSAKH 2011» 3-րդ տնտեսական համաժողովը կկայանա 2011 թ. սեպտեմբերի 30-ից - հոկտեմբերի 3-ը Լեռնային Ղարաբաղի մայրաքաղաք Ստեփանակերտում, երեքշաբթի «Նովոստի-Արմենիա» գործակալությանը հաղորդեցին «Մաստեր» Միջազգային Ինտեգրման Աջակցության Կենտրոնից։
Համաժողովի շրջանակներում կանցկացվեն հատուկ քննարկումներ, լիագումար և սեկցիոն նիստեր: «BRIDGE ARTSAKH 2011» 3-րդ տնտեսական համաժողովի շրջանակներում սեպտեմբերի 30-ից - հոկտեմբերի 3-ը կանցկացվի «ARTSAKH EXPO 2011» 2-րդ առևտրա - արդյունաբերական ցուցահանդեսը:
««BRIDGE ARTSAKH» տնտեսական համաժողովը ևս մեկ հուսալի կամուրջ է, որը միացնում է Լեռնային Ղարաբաղը ընկերների և արտաքին աշխարհի հետ: Համաժողովի շնորհիվ գործարարներ տարբեր երկրներից հնարավորություն կստանան տեղում ծանոթանալ Լեռնային Ղարաբաղի տնտեսական ներուժի և ներդրումային հնարավորությունների հետ»,- հաղորդեցին Կենտրոնից։
Համաժողովի ներկայիս ձևաչափը թույլ կտա քննարկել ակտուալ խնդիրները, նախանշել հետագա համագործակցության ուղիները, փոխանակել կարծիքներ, ծանոթանալ տարածաշրջանի զարգացման հեռանկարների, ներդրումային քաղաքականության հնարավորությունների հետ և, իհարկե, հաստատել նոր կապեր:
Համաժողովի շրջանակներում Լեռնային Ղարաբաղում կհանդիպեն գործարարներ, պետական մարմինների և նախարարությունների ղեկավարներ Հայաստանից և Արցախից, ինչպես նաև Սփյուռքի ներկայացուցիչներ:
Համաժողովի լիագումար նիստի գլխավոր թեզն է ` «Զարգացած տնտեսությունը որպես պետության զարգացման հիմք»:
Համաժողովն անցկացվում է Լեռնային Ղարաբաղի նախագահ Բակո Սահակյանի բարձր հովանու ներքո: Համաժողովի կազմակերպիչներն են Հայաստանի Արդյունաբերողների և Գործարարների (Գործատուների) Միությունը և «ՄԱՍՏԵՐ» Միջազգային Ինտեգրման Աջակցության Կենտրոնը:
Համաժողովի պաշտոնական գործընկերներն է Արցախի Ներդրումային Հիմնադրամը: -0-