Կանադահայ փոքրիկները երաժշտական ողջույն են հղել Արցախի մարտիկներին (ՏԵՍԱՆՅՈՒԹ)

ԵՐԵՎԱՆ, 2 մայիսի. /Նովոստի–Արմենիա/. Կանադահայ համայնքի ամենափոքրիկ ներկայացուցիչները երաժշտական ողջույն են հղել Արցախի պաշտպանության բանակի մարտիկներին։

Տեսանյութը, որում Աջակցության հայկական միության վարժարանում սովորող մանուկները կատարում են «Միավորվեք, հայեր։ Արցախն է մեզ սպասում» հայրենասիրական երգը, Facebook–ի իր էջում է տեղադրել Լեռնային Ղարաբաղի Հանրապետության փոխվարչապետ Արթուր Աղաբեկյանը։

«Մեր վարժարանի տնօրինությունը, դասախոսական կազմը և աշակերտները ցանկանում են Հայրենիքը գիշերուզօր անձնուրաց պաշտպան քաջարի զորքին աջակցելու կոչ հղել։ Թող որ մեր աշակերտների երգը ոգևորի և ոգեշնչի նրանց։ Այսօրվա հայ զինվորները պետք է վստահ լինեն, որ մենք նրանց կողքին ենք, որտեղ էլ լինեն։ Երախտապարտ ենք ձեր անձնուրացության համար»,– ասվում է ԼՂՀ իշխանություններին ուղղած նամակում։ -0-