ԵՐԵՎԱՆ, 30 մարտի./Նովոստի–Արմենիա/. Ղարաբաղյան հակամարտության կարգավորման բանակցային գործընթացը շարունակվում է և կարելի է նշել նախօրեին կայացած Փաշինյան–Ալիև հանդիպման մի քանի դրական և բացասական կողմեր։ Այս մասին շաբաթ օրը «Նովոստի–Արմենիա» մամուլի կենտրոնում հայտարարեց ԱՊՀ երկրների ինստիտուտի հայկական մասնաճյուղի ղեկավար Ալեքսանդր Մարկարովը։
Մարտի 29–ին Վիեննայում կայացավ ՀՀ վարչապետ Նիկոլ Փաշինյանի և Ադրբեջանի նախագահ Իլհամ Ալիևի հանդիպումը, սկզբում ընդլայնված կազմով` ԱԳ նախարարների և ԵԱՀԿ ՄԽ համանախագահների մասնակցությամբ, այնուհետև կայացավ երկու երկրների ղեկավարների առանձնազրույցը, ինչից հետո երկրների առաջնորդներին կրկին միացան ԱԳ նախարարներն ու ԵԱՀԿ ՄԽ համանախագահները։
«Պարզ է, որ խոսելով դրական կողմերի մասին` պետք է նշել պոզիտիվ մթնոլորտն ու կառուցողական երկխոսությունը։ Կողմերը ներկայացրեցին նաև կարգավորման հետ կապված իրենց դիրքորոշումներն ու ընդգծեցին հակամարտության խաղաղ կարգավորման ուղիները փնտրելու անհրաժեշտությունը», – ասաց Մարկարովը։
Загружается новость ... "Лево"
Նրա խոսքով, նշվել է նաև համապատասխան մթնոլորտի ձևավորման անհրաժեշտությունը, որը հետագայում կնպաստի համապատասխան փաստաթղթի կամ ձևաչափի մշակմանը, որոնք ուղղված կլինեն խաղաղության հաստատմանը։
«Կարևոր է, որ կողմերը խոսում են խաղաղության մասին, ինչի համար էլ կազմակերպվել էր այդ հանդիպումը։ Նրանք նաև հաստատել են հրադադարի ռեժիմի պահպանման անհրաժեշտությունն ու երկու երկրների առաջնորդների միջև ուղիղ կապի հաստատման հնարավորությունը», – ասաց Մարկարովը։
Նա նաև նշեց, որ առանձին նշվում են մարդասիրական ոլորտում նախատեսվող միջոցառումները, մասնավորապես, Հայաստանի և Ադրբեջանի սահմանը հատած մարդկանց փոխանակումը։
«Դրական է նաև այն փաստը, որ կողմերը պատրաստ են շարունակել բանակցային գործընթացը, և երկու երկրների ԱԳ նախարարներն ունեն բանակցությունների հաջորդ փուլին նախապատրաստվելու համապատասխան մանդատ», – ասաց Մարկարովը։
Որպես բացասական կողմ Մարկարովը նշեց այն փաստը, որ չի բարձրացվել բանակցային սեղանին Արցախը վերադարձնելու հարցը, ինչպես նաև չեն ճշտվել բանակցային գործընթացի սկզբունքներն ու դրույթները։-0-
