Արցախի բնակիչը մոլորվել է ու հայտնվել Ադրբեջանի վերահսկողության տակ գտնվող հատվածում
22.07.2021,
22:27
Արցախի բնակիչը մոլորվել է ու հայտնվել Ադրբեջանի վերահսկողության տակ գտնվող հատվածում
ԵՐԵՎԱՆ, 22 հուլիսի․/Նովոստի-Արմենիա/․ Արցախի Ասկերանի շրջանի Այգեստան համայնքի բնակիչներից մեկն այսօր մոլորվել է ու հայտնվել Ադրբեջանի վերահսկողության տակ գտնվող հատվածում։
Այս մասին հայտնում է Արցախի մարդու իրավունքների պաշտպան Գեղամ Ստեփանյանը։
«Մարդու իրավունքների պաշտպանի աշխատակազմի կողմից հավաքագրված տեղեկատվության համաձայն՝ հուլիսի 22-ին Ասկերանի շրջանի Այգեստան համայնքի բնակիչներից մեկը Խրամորթ համայնքի հատվածում, տեղանքում մոլորվելով, անցել է ադրբեջանական վերահսկողության տակ գտնվող հատված:
Ռուս խաղաղապահների միջամտությամբ անձը վերադարձվել է հայկական կողմին:
Նրա կյանքին և առողջությանը վտանգ չի սպառնում», - նշել է Ստեփանյանը Facebook-յան իր էջում:-0-
Պատճենել հղումը
