Հայտնվել են Ղարաբաղում ադրբեջանական բանակի ռազմական հանցագործությունների նոր վկայություններ (ԼՈւՍԱՆԿԱՐՆԵՐ +18)

ԵՐԵՎԱՆ, 4 ապրիլի./Նովոստի–Արմենիա/. Հրապարակվել են Ղարաբաղում ադրբեջանական բանակի ռազմական գործողությունների նոր վկայություններ։

Լուսանկարներն արվել են ԼՂՀ հյուսիսում գտնվող Թալիշ գյուղում։ Ադրբեջանցի զինծառայողներին հաջողվել էր ներխուժել այդ գյուղ, իսկ հետո նրանք փախչել են։

Լուսանկարներում երևում են գնդակահարված երկու կանանց և մեկ տղամարդու դիերը։

Ապրիլի 1-ի լույս 2-ի գիշերը ղարաբաղաադրբեջանական շփման գծի հարավային, հարավարևելյան և հյուսիսարևելյան ուղղություններով հակառակորդը ձեռնարկել է բացահայտ հարձակվողական գործողություններ`հրետանիով, զրահապատ տրանսպորտային միջոցներով և ավիացիայով: ԼՂՀ պաշտպանության բանակի ստորաբաժանումները մարտեր են տանում առաջնային գծի բոլոր ուղղություններով` հակառակորդին կենդանի ուժի և ռազմական տեխնիկայի զգալի կորուստներ պատճառելով։ 

Մասնավորապես, ԼՂՀ պաշտպանության բանակի օպերատիվ տվյալներով, մարտական գործողությունների ընթացքում ոչնչացվել են հակառակորդի երկու ուղղաթիռ, 15 տանկ, ՄՄ-21 («Գրադ») տիպի 1 հրթիռահրետանային կայանք, հինգից ավելի այլ զրահատեխնիկա, այդ թվում`1 ԲՄՊ և 3 անօդաչու սարք, 1 միավոր ինժեներական տեխնիկա և 1 միավոր անօդաչու թռչող սարք: Ադրբեջանական զինուժը տվել է 200-ից ավելի մարդկային կորուստ: Հայկական կողմն ունի 18 զոհ և 35 վիրավոր։

Ապրիլի 3-ին՝ ժամը 06:00-ից սկսած, առաջնային գծի հարավային ուղղությամբ հակառակորդը հրթիռահրետանային միջոցների և զրահատեխնիկայի կիրառմաբ շարունակել է ագրեսիվ ռազմական գործողությունների վարումը: «ՊԲ առաջապահ ստորաբաժանումները ձեռնարկում են անհրաժեշտ միջոցառումներ հակառակորդի նահախարձակ գործողությունները ճնշելու համար: -0-