ԵՐԵՎԱՆ, 10 մարտի. /Նովոստի–Արմենիա/. ԵԱՀԿ ՄԽ համանախագահները մարտի 27–ին կայցելեն Հայաստան և Արցախ, ուրբաթ ասաց ՀՀ ԱԳ նախարար Էդվարդ Նալբանդյանը Հունաստանի ԱԳ Նախարար Նիկոս Կոձիասի հետ ճեպազրույցի ընթացքում։
Նա ընդգծեց, որ միջնորդների այցը կրելու է տարածաշրջանային բնույթ, նրանք կայցելեն նաև Ադրբեջան։
«Այցի ընթացքում համանախագահները կփորձեն տեղից շարժել բանակցային գործընթացը, սակայն դրա համար հարկավոր է բացառել մի քանի իրադարձություններ, մասնավորապես, նախորդ տարի Արցախի դեմ Ադրբեջանի հրահրած ապրիլյան ագրեսիայի կրկնության հնարավորությունը, հարկավոր է նաև ստեղծել բարենպաստ պայմաններ բանակցությունների համար», – նշեց Նալբանդյանը։
Ապրիլի 2-ից 5–ն ադրբեջանական ԶՈՒ–ն ակտիվ մարտական գործողություններ է վարել` գնդակոծելով Լեռնային Ղարաբաղի Հանրապետության դիրքերն ու բնակավայրերը շփման գծի գրեթե ողջ երկայնքով հրթիռահրետանային զենքի, զրահատեխնիկայի և ավիացիայի կիրառմամբ։ ԼՂՀ պաշտպանության բանակը հաջողությամբ ճնշել է հակառակորդի ագրեսիվ գործողությունները` պատճառելով թշնամուն կենդանի ուժի և տեխնիկայի մեծ կորուստներ։
ՀՀ ԱԳ նախարարն ընդգծեց նաև, որ դեռ խոսքը միայն համանախագահների տարածաշրջանային այցի մասին է։ Դեռ խոսք չկա բարձր մակարդակի հանդիպման կազմակերպման մասին։
Загружается новость ...
"Право"
«Հայաստանը չի հրաժարվում ցանկացած մակարդակի հանդիպումներից, իսկ Ադրբեջանն իր կողմից պետք է պատրաստ լինի բանակցություններին, այլ ոչ թե երկխոսություն վարի շանտաժի լեզվով», – նշեց Նալբանդյանը։
Ղարաբաղյան հակամարտությունը սկիզբ է առել 1988 թ.-ին, երբ հիմնականում հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին։ 1991 թ. դեկտեմբերի 10-ին, Խորհրդային Միության փլուզումից մի քանի օր առաջ, Լեռնային Ղարաբաղում տեղի ունեցավ հանրաքվե, որի ժամանակ բնակչության ճնշող մեծամասնությունը՝ 99,89 տոկոսը Ադրբեջանից ամբողջովին անկախանալու կողմ քվեարկեց։
Դրանից հետո սկսվեցին լայնամասշտաբ ռազմական գործողություններ, որոնց հետևանքով Ադրբեջանը կորցրեց վերահսկողությունը Լեռնային Ղարաբաղի և նրան հարակից յոթ շրջանների նկատմամբ։
1994 թ.-ի մայիսի 12-ին՝ զինադադարի մասին համաձայնագրի ուժի մեջ մտնելուց հետո հակամարտության գոտում դադարեցին ռազմական գործողությունները։ Պատերազմի հետևանքով երկու կողմից զոհվեց մոտավորապես 25-30 հազ մարդ և մոտ մեկ միլիոնը ստիպված եղավ լքել բնակավայրերը։
Զինադադարի ռեժիմի մասին համաձայնությունը պահպանվում է մինչ այժմ։ 1992 թ.-ից մինչ օրս ընթանում են բանակցություններ հակամարտության խաղաղ կարգավորման ուղղությամբ ԵԱՀԿ Մինսկի խմբի շրջանակում։–0–