437.27
4.41
404.32
+3
Եղանակը Երևանում
Հայ

Վերջին երկու տարվա ընթացքում արտերկրում ավելի քան 900 հայկական պատմամշակութային հուշարձան է գրանցվել

14:46
09 Հունվարի 2012

ՀՀ մշակույթի նախարարության աջակցությամբ 2011 թ.-ին անցկացվել է ավելի քան 20 միջազգային և հանրապետական երաժշտական, կինո և թատերական փառատոն և մրցույթ, որոնք հանրապետությունում ավանդույթ են դարձել և այսուհետ ևս անցկացվելու են: Դրանց թվում են «Երևանյան հեռանկարներ», «Ազգային պատկերասրահ», «Երևանյան երաժշտական փառատոն», «Վերածնունդ» փառատոնները, «Ոսկե ծիրան» միջազգային կինոփառատոնը, մանկապատանեկան ֆիլմերի փառատոնը, Highfest թատերական փառատոնը, Վ. Փափազյանի անվան միջազգային շեքսպիրյան փառատոնը, Ա. Խաչատրյանի անվան միջազգային երաժշտական մրցույթը, «Երգող Հայաստան» մանկապատանեկան երգչախմբային փառատոնը, «Թումանյանական հեքիաթի օր» մանկապատանեկան թատերական փառատոնը, «Նռան հատիկ»  մանկապատանեկան թատերական փառատոնը, «Կինոաշուն» հայկական կինոյի միամսյակը, Պավել Լիսիցիանի և Տաթևիկ Սազանդարյանի անվան դասական վոկալի փառատոնը և այլն:

«Նովոստի-Արմենիա» - Ինչպես հայտնի է, ՅՈՒՆԵՍԿՕ-ն 2012 թ.-ին Երևանը հռչակել է Գրքի համաշխարհային մայրաքաղաք (2012 թ.-ի ապրիլի 23-ից մինչև 2013 թ.-ի ապրիլի 22-ը): Այս կապակցությամբ ի՞նչ միջոցառումներ է նախատեսվում անցկացնել այս իրադարձության շրջանակներում:

Ա. Պողոսյան – Գրքի համաշխարհային մայրաքաղաքի տիտղոսը Երևանին շնորհելու կապակցությամբ ծրագրի շրջանակներում 2012 թ.-ի ապրիլի 23-ին՝ Գրքի և հեղինակային իրավունքի համաշխարհային օրը, մեկնարկում են հայկական գրատպությանն ու գրքին նվիրված միջոցառումները՝ համաժողովներ, գրական ընթերցանություններ, միջազգային և հանրապետական փառատոններ, ցուցահանդեսներ, ընթերցանությունը խթանելուն ուղղված ակցիաներ: Ծրագրի շրջանակներում Երևանում և մարզերում կանցկացվի ավելի քան 30 միջոցառում: Միջոցառումների շարքում հատուկ տեղ կզբաղեցնեն մանկապատանեկան ծրագրերը:

«Նովոստի-Արմենիա» - Մշակույթի նախարարությունն ինչպես երկրում, այնպես էլ նրա սահմաններից դուրս գտնվող հայկական պատմամշակութային հուշարձանների վերականգնման և պահպանման ակտիվ նախաձեռնողներից է: Գոյություն ունի՞ վերականգնման ենթակա մշակութային հուշարձանների վիճակագրություն, կոնկրետ ֆինանսավորում, ինչպես նաև ֆինանսավորման աղբյուրներ: 

Ա. Պողոսյան – Մշակութային ժառանգության պահպանմանն ուղղված աշխատանքների թվում հատուկ տեղ են զբաղեցնում 2005-2011 թթ.-ին ընթացող աշխատանքները, որոնք ուղղված են հուշարձանների վերականգնմանը: Նշված ժամանակահատվածում հուշարձանների ամբողջականությունն ապահովելու նպատակով իրականացվել է 43 հուշարձանների վերականգնմանն ուղղված աշխատանք: Այս նպատակով «Հուշարձանների վերանորոգում և վերականգնում» ծրագրի շրջանակներում ՀՀ պետբյուջեից հատկացվել է ավելի քան 2,7 մլրդ դրամ (շուրջ 7,1 մլն դոլար): Վերականգնողական աշխատանքներին զուգահեռ կազմվել է ռեստավրացիայի կարիք ունեցող հուշարձանների ցուցակը, որում ներառվել է շուրջ 245 հուշարձան: Այս հուշարձանների որոշակի քանակություն ամեն տարի ուսումնասիրվում է «Հուշարձանների տեխնիկական վիճակի մոնիտորինգ» ծրագրի շրջանակներում, որը ֆինանսավորվում է ՀՀ պետբյուջեի կողմից: Ծրագիրը մեկնարկել է 2009 թ.-ին: Այսօրվա դրությամբ տեխնիկական վիճակի մոնիտորինգի է ենթարկվել 78 հուշարձան:

Արտերկրում գտնվող հայկական հուշարձանների պահպանման հարցում վերջին երկու տարվա ընթացքում «Աջակցություն արտերկրում գտնվող հայկական պատմամշակութային հուշարձանների վերականգնմանը» ծրագրի շրջանակներում Արևմտյան Հայաստանի տարածքում (ժամանակակից Թուրքիայի տարածք) գրանցվել է 450 հուշարձան: 2011 թ.-ին նույն ծրագրի շրջանակներում տարբեր հայկական համայնքներում գրանցվել է ևս 470 հայկական պատմամշակութային հուշարձան: Մենք առանձնահատուկ կարևորում ենք պատմամշակութային հուշարձանների գրանցման գործընթացը, քանի որ նման կերպով պայմաններ են ստեղծվում՝ տեղեկատվության հասանելիության և հանրաճանաչության համար, ինչպես նաև գիտականորեն հիմնավորվում է «հայկական հետքը» աշխարհի տարբեր մայրցամաքներում:

«Նովոստի-Արմենիա» - Նախարարությունն ակտիվ քայլեր է ձեռնարկել Հայաստանում ռեստավրատորների դպրոցի ստեղծման ուղղությամբ: Այս ոլորտում ի՞նչ տեղաշարժեր են արձանագրվել:

Ա. Պողոսյան – Արդեն իրականացվել են առաջին քայլերը «Տեղական մշակութային ժառանգության պահպանման և ամրապնդման նպատակով աջակցության ցուցաբերում Հայաստանի հաստատություններին» ծրագրի շրջանակներում, որը ստորագրվել է 2011 թ.-ի ապրիլի 6-ին ՀՀ մշակույթի նախարարության և Իտալիայի ԱԳՆ-ի համագործակցության զարգացման գլխավոր վարչության կողմից: Ծրագրի կրթական մասի շրջանակներում նոյեմբերի 29-ին ԵՊՃՀ-ում մեկնարկել է 30 մագիստրոսների համար նախատեսված «Հուշարձանների ճարտարապետական վերականգնում» երկամյա ծրագիրը: Բացի այդ, նախատեսվում է նաև ստեղծել Հայաստանի ազգային պատկերասրահի կտավների, Պատմության թանգարանի մետաղից, փայտից և կերամիկայից պատրաստված ցուցանմուշների, «Էրեբունի» պատմա-ազգագրական թանգարան-արգելոցի որմնանկարների և հնագիտական ցուցանմուշների ռեստավրացիայի լաբորատորիա: Նախատեսված են նաև ուսումնական ծրագրեր շինհրապարակների ղեկավարների և բանվորների, շարժական մշակութային արժեքների ռեստավրատորների համար:

«Նովոստի-Արմենիա» - Կարելի՞ է, արդյոք, պնդել աշխարհում Հայաստանի հարուստ պատմամշակութային ժառանգության մասին տեղեկատվության դեֆիցիտի առկայության մասին, և այս կապակցությամբ ինչպե՞ս է Մշակույթի նախարարությունը նախատեսում լուծել մեր մշակութային արժեքների հանրաճանաչության հարցը՝ հաշվի առնելով ժամանակակից տեխնիկական հնարավորությունները:

Ա. Պողոսյան – Հայաստանի պատմամշակութային ժառանգության մասին տեղեկատվության տարածումն ու հասանելիությունն ապահովելու նպատակով ՀՀ մշակույթի նախարարության նախաձեռնությամբ 2012 թ.-ի փետրվարից կգործի վեբ-կայք, որը կներկայացնի Հայաստանի պատմամշակութային ժառանգությունը: Բացի այդ, դեկտեմբերի 3-ին տեղի է ունեցել Հայաստանի ազգային պատկերասրահի կայքերի շնորհանդեսը հայերեն, ռուսերեն և անգլերեն լեզուներով (www.nga.amwww.gallery.am):-0-

Ծանոթացեք լուրերին առաջինն ու քննարկեք դրանք մեր Telegram-յան ալիքում

Թեմատիկ նյութեր
ԱՌԿԱ գործակալություն
Բաժնի այլ նյութեր
19:37
20 Փետրվարի 2024
Ի՞նչ անել, եթե չեք կարողանում քնել․ փորձագետն օգտակար խորհուրդներ է տալիս (ՎԻԴԵՈ)
Առողջ ապրելակերպի մասնագետ Անուշ Մուրադյանն անդրադարձել է անքնության հետ կապված խնդիրներին և տվել օգտակար խորհուրդներ
11:25
15 Փետրվարի 2024
Ո՞ր սննդանյութերն են էներգիա հաղորդում. սննդագետը պարզաբանում է (ՎԻԴԵՈ)
Սննդային միֆեր․ սննդագետը պարզաբանում է․ թե որ սննդանյութերն են իսկապես էներգիա հաղորդում․ ՎԻԴԵՈ
17:54
10 Փետրվարի 2024
Ինչպե՞ս մեկընդմիշտ ազատվել ավելորդ կգ-ներից. բժիշկ-դիետոլոգը պարզաբանում է (ՎԻԴԵՈ)
Բժիշկ–դիետոլոգը պարզաբանում է՝ ինչպե՞ս մեկընդմիշտ ազատվել ավելորդ կգ-ներից և այնպես անել, որ կորցրած կգ–ները չվերադառնան․ ՎԻԴԵՈ
12:45
29 Հունվարի 2024
7 պարզ կանոն նիհարել ցանկացողների համար․ 43կգ–ով նիհարած սննդաբանը խորհուրդներ է տալիս (ՎԻԴԵՈ)
43կգ–ով նիհարած սննդաբանը ներկայացնում է 7 պարզ կանոն նիհարել ցանկացողների համար․ ՎԻԴԵՈ
13:09
17 Հունվարի 2024
Ինչու՞ հայկական ռեստորանները «Միշլենյան» աստղեր չունեն. Հայաստանի խոհարարների ասոցիացիայի նախագահը պարզաբանում է (ՎԻԴԵՈ)
Հայաստանի խոհարարների ասոցիացիայի համահիմնադիր–նախագահ Արբի Ղարախանին անդրադարձել է «Միշլենյան» աստղերին ու դրանց տրամադրման գաղտնիքին․ ՎԻԴԵՈ
14:56
22 Հունիսի 2023
ՌԴ–ից Հայաստան դրամական փոխանցումների «Ոսկե հավելված»՝ IDpay
IDpay հավելվածը, որը հնարավորություն է տալիս ակնթարթորեն և շահավետ պայմաններով կատարել դրամական փոխանցումներ Ռուսաստանից Հայաստան, արժանացել է «Ոսկե կայք» մրցույթի Գրան պրի մրցանակին «Բանկային և ֆինանսական ծառայություն» անվանակարգում
11:17
24 Դեկտեմբերի 2022
Հայկական շուկան դինամիկ է և հեռանկարային inDrive ծառայության համար (ԷՔՍԿԼՅՈւԶԻՎ)
inDrive ծառայության ներկայացուցիչ Սերգեյ Ավագյան-Ռժևսկին «Նովոստի-Արմենիա» գործակալությանը տված հարցազրույցում խոսել է Հայաստանում ընկերության աշխատանքի առանցքային առաջնահերթությունների և տեղական շուկայի հեռանկարների մասին
16:11
01 Նոյեմբերի 2022
Ամերիաբանկ․ Հայաստանի բանկային ոլորտի ավանգարդում
Ամերիաբանկի ֆինանսական տնօրեն Հովհաննես Թորոյանն հարցազրույց է տվել Global Markets ամսագրին՝ ներկայացնելով Բանկի ռազմավարությունն ու հիմնական գործոնները, որոնք ապահովել են Ամերիաբանկի հաջողությունը Հայաստանի բանկային համակարգում
11:07
10 Հոկտեմբերի 2022
Tunmun.am-ի համահիմնադիրը՝ ՀՀ-ում անշարժ գույքի շուկայի ապագայի, նոր կայքի առավելությունների և կատարյալ հայտարարության գաղտնիքների մասին
Tunmun.am ծառայության համահիմնադիր, SkyLabs, CMO Bololex կրիպտոարժույթների տերմինալների ցանցի մարկետինգի տնօրեն Անդրանիկ Թողրամաջյանը ներկայացրել է անշարժի գույքին նվիրված նոր կայքի առանձնահատկություններն ու առավելությունները
14:16
24 Մայիսի 2022
ARARAT թանգարանն ավանդաբար միանում է «Թանգարանների գիշեր» ակցիային. որքանո՞վ են կարևոր նման նախաձեռնությունները (ՖՈՏՈ)
Երևանի կոնյակի գործարանի ARARAT թանգարանի ղեկավար Առնո Թադևոսյանը հարցազրույցի շրջանակում պատասխանել է մի քանի հարցի, որոնք վերաբերում են նման նախաձեռնությունների կարևորությանը, նա նաև խոսել է թանգարանի նոր ծրագրերի մասին
21:15
21 Մարտի 2022
33 հարց` հայտնի աճպարար Արամ Ղարիբյանին (ՎԻԴԵՈ)
Խաղաքարտերի նկատմամբ սերն Արամին սովորեցրին անհավանական ֆոկուսներ, որոնք անտարբեր չթողեցին նաև մեր նկարահանող խմբին. ՎԻԴԵՈ
19:37
01 Հունվարի 2022
Հասմիկ Կարապետյանը` անցյալի սխալների, ամուսնու և շատ գումար աշխատելու մասին. ԱՆհարմար հարցեր (ՎԻԴԵՈ)
Հասմիկ Կարապետյանը` անցյալի սխալների, ամուսնու և շատ գումար աշխատելու մասին. ԱՆհարմար հարցեր. ՎԻԴԵՈ