Ո՞վ է իրականում ծեծել երեխաներին, և ի՞նչ պայմաններում են նրանք ապրում․ նոր մանրամասներ Տավուշում տեղի ունեցած դեպքից

19.08.2020, 20:48
Ո՞վ է իրականում դաժան ծեծի ենթարկել երեխաներին, և ի՞նչ պայմաններում են նրանք ապրում․ նոր մանրամասներ
Ո՞վ է իրականում ծեծել երեխաներին, և ի՞նչ պայմաններում են նրանք ապրում․ նոր մանրամասներ Տավուշում տեղի ունեցած դեպքից

ԵՐԵՎԱՆ, 19 օգոստոսի․ /Նովոստի-Արմենիա/․ Դաժան ծեծի ենթարկված երեխաները Տավուշի մարզի Խաշթառակ համայնքից են. ըստ գյուղում շրջանառվող լուրերի՝ նրանց ծեծի է ենթարկել հորաքույրը։ Այս մասին NEWS.am-ի հետ զրույցում ասել է Խաշթառակի համայնքապետ Անդրանիկ Վիրաբյանը։ 

«Ո՞վ է ասում, որ պապն է ծեծի ենթարկել, նման բան, վստահ եմ, չկա։ Պապը շատ խելոք, խեղճ մարդ է, դժվար նման բան աներ։ Վարկածներ կան, որ իրենց հորաքույրը կարող էր նման քայլի գնալ։ Պապը գյուղի բնակիչների հայաթներում գործ էր անում, օրվա հացը վաստակում էր։ Հորաքույրը 4-5 երեխա ունի, ամուսնացած բաժանված է, մտավոր խնդիրներ ունի»,- ասել է համայնքապետը։

Загружается новость ... "Лево"
Վիրաբյանը News.am-ին ասել է, որ երեխաներն ունեն ծնողներ. «Հայրը երկրորդ կարգի հաշմանդամություն ունի, խելքից նորմալ չի, մայրն էլ հոգեկան խնդիրներ ունի։ Մի անգամ տարել ենք երեխաներին մանկատուն, այնտեղից հորաքույրը գնացել ու հետ է բերել, որ փարոս ստանա։ Տատիկն ու պապիկն էլ խեղճ մարդիկ են, հորաքրոջից էլ վախենում են։ Երեւի վախենում են ասեն, որ իրենց աղջիկն է արել։ Շատ վատ երեւույթներ կան այդ ընտանիքում, չեմ ուզում մասնամասնել»։

Համայնքապետը նշեց, որ պատրաստվում են ընտանիքի բոլոր երեխաներին ուղարկել մանկատուն. «Հաճախակի էին հարևանները տան կողքից աղմուկ լսում»։

Հիշեցնենք, որ 6-ամյա երեխան գտնվում է «Սուրբ Աստվածամայր» բկ-ում։ Վիճակը ծայրահեղ ծանր է, ունի բազում վնասվածքներ, անգիտակից է, միացված է արհեստական շնչառության սարք։ Բժիշկները պայքարում են փոքրիկի կյանքի համար:-0-