Մոսկվա–Երևան ավտոբուսը վթարի է ենթարկվել. բոլոր ուղևորները ՀՀ քաղաքացիներ են

ԵՐԵՎԱՆ, 15 փետրվարի. /Նովոստի-Արմենիա/. ՃՏՊ է տեղի ունեցել չորեքշաբթի ժամը 17:05-ին Մ-4 ավտոճանապարհի (դաշնային) 1142 կմ-ին (Կուշևսկու շրջան), հայտնում է ԱԻՆ մամուլի ծառայությունը` հղում անելով Ռուսաստանի ԱԻՆ Ճգնաժամային կառավարման կենտրոնի հաղորդմանը։

Ըստ հաղորդագրության, Մոսկվա-Երևան երթուղին իրականացնող «Setra» մակնիշի АМ 97 РМ 999 պետհամարանիշով ավտոբուսը բախվել է «МАН» մակնիշի М613АН161 պետհամարանիշով բեռնատար ավտոմեքենային:

Ինչպես հայտնում են գերատեսչությունից, ավտոբուսում եղել է 9 ուղևոր, երեխաներ չեն եղել: Բոլոր ուղևորները ՀՀ քաղաքացիներ են:

ՃՏՊ-ի հետևանքով տուժել է երկու ուղևոր՝ ՀՀ քաղաքացիներ՝ 1953 թ. ծնված Ռոբերտ Պետրոսյանը և 1968 թ. ծնված Քյարամ Մամոյանը: Վերջիններս և բեռնատարի վարորդը տեղափոխվել են Կուշևվսկայայի կենտրոնական հիվանդանոց:

Վթարի հետևանքով, բարեբախտաբար, զոհեր չկան: -0-