ԵՐԵՎԱՆ, 28 մայիսի. /Նովոստի-Արմենիա/. Փարիզում Մալիից արտագաղթած Մամուդու Գասաման (Mamoudou Gassama) հաշված վայրկյաններում մագլցել է հինգերորդ հարկի պատշգամբ և փրկել երեխային ընկնելուց: Տեսանյութին ուշադրություն է դարդձել Le Parisien պարբերականը, գրում է
lenta.ru-ն:
Միջադեպը տեղի է ունեցել մայիսի 26-ին: Աֆրիկացին անցնելիս է եղել շենքի մոտով, երբ նկատել է, որ պատշգամբի ճաղաշարից երեխա է կախված: Առանց մտածելու և որևէ սարքի տղամարդը 30 վայրկյանում մագլցել է հինգերորդ հարկ և երեխային փրկել: Տղամարդու արարքը նկարել է ականատես Հաբիբ Բիբուն և հրապարակել (Habib Bibou) Facebook-ի իր էջում:
«Ես դա արեցի, որովհետև երեխա էր այնտեղ: Շնորհակալ եմ Աստծուն, որ ինձ հաջողվեց նրան փրկել», — ասել է 22-մյա Գասաման հարցազրույցում
Փարիզի քաղաքապետ Անն Իդալգոն Գասամային անվանել է «18-րդ թաղամասի մարդ-սարդ», նշելով, որ Փարիզի իշխանությունները կօգնեն նրան հիմնավորվել Փարիզում:
Երեխայի հորը ձերբակալել են, որ նա թողել է փոքրիկին մենակ և գնացել խանութ: Միջադեպի պահին երեխայի մայրը երկրում չի եղել: -0-
