Մի ընտանիքի պատմություն, կամ գլխակեր դայակը

ԵՐԵՎԱՆ, 29 փետրվարի. /Նովոստի-Արմենիա/. Ողբերգական դեպք է կատարվել Մոսկվայում` ազգությամբ ուզբեկ, 38-ամյա Գյուլչեխրա Բոբոկուլովան, ով դայակ է աշխատել մի ընտանիքում, կտրել է չորսամյա երեխայի գլուխը:
Մոսկվայի իրավապահ մարմիններում ունեցած աղբյուրը հայտնում է, որ հանցագործության կատարման պահին կինը թմրանյութի ազդեցության տակ է եղել, հայտնում է «Զվեզդա» հեռուստաալիքը:

Քննիչները պատմել են, որ կինը Սամարղանդից է ժամանել Մոսկվա: Ինչպես ենթադրում են քննիչները, կինը սպասել է, մինչև ծնողներն ավագ երեխայի հետ հեռանան բնակարանից, սպանել է չորս տարեկան երեխային, կտրել է նրա գլուխը և վառել է բնակարանը:

Դրանից հետո դայակը, կտրած գլուխը ձեռքին, եկել է «Октябрьское поле» մետրոյի կայարան և սպառնացել է պայթեցնել ինքն իրեն, հայտարարելով, որ ինքն ահաբեկիչ է: Այնտեղ կնոջը ձերբակալել են ոստիկանության աշխատակիցները:

Իրավապահ մարմիններում ընդգծել են, որ ձերբակալվածն իրեն ոչ ադեկվատ է պահում, և հատուկ փորձաքննությունը պետք է պարզի, թե որքանով է ընդունակ հասկանալով «սեփական գործողությունների և արարքների նշանակությունը»:

Վերջին տեղեկության համաձայն, դայակը բերման է ենթարկվել և ուղղվել դատահոգեբանական փորձաքննության: Նրա նկատմամբ քրեական գործ է հարուցվել ՌԴ ՔՕ 105-րդ հոդվածի 2-րդ մասով` «Անչափահասի սպանություն»:

Ընտանիքի պատմությունը, ում մոտ դայակ է աշխատել ուզբեկ կինը, հայտնում է Московский комсомолец-ը` հղում անելով իրավապահ մարմինների աղբյուրին: Պարզվել է, որ բնակարանը, որում կատարվել է սպանությունը և հրդեհը, վարձակալությամբ է տրվել, իսկ ընտանիքը Մոսկվա է ժամանել Օռլովի մարզից:

Բնակարանը, որը գտնվում էր Ժողովրդական ընդդիմության փողոցի 29-րդ տանը, վարձակալությամբ է տրվել վերջին տասը տարիների ընտանիքում: Այնտեղ ապրում էր ընտանիք երկու երեխաներով` 15-ամյա տղայի և 4-ամյա աղջկա հետ: Սպանված երեխայի մայրն աշխատում էր հարսանյաց սրահում, հայրը բջջային կապի ընկերությունում մոնտաժող էր, հայտնում է tvzvezda.ru-ն: -0-