ԵՐԵՎԱՆ, 24 հուլիսի. /Նովոստի–Արմենա/. Նախօրեին խոշոր ու ողբերգական ավտովթար է տեղի ունեցել Արարատի մարզում։
Ժամը 20։00-ի սահմաններում Երևան քաղաքի բնակիչ, 47-ամյա Մանվել Աբրահամյանն իր վարած ՎԱԶ ВАЗ 21093 ավտոմեքենայով Մասիս-Նուբարաշեն ավտոճանապարհի 4-րդ կմ հատվածում դուրս է եկել ճանապարհի երթևեկելի գոտուց և մի քանի պտույտ կատարելով` կողաշրջված վիճակում հայտնվել ձորակում։
Загружается новость ... "Лево"
Ինչպես հայտնում է shamshyan.com կայքը, վթարի հետևանքով վարորդ Մ. Աբրահամյանը, նրա ուղևորները` 43-ամյա Գևորգ Հովհաննիսյանը, 51-ամյա Արմեն Մամբրեյանը, 39-ամյա Գուրգեն Չարվադարյանը, մարմնական վնասվածքներով տեղափոխվել են «Էրեբունի» բժշկական կենտրոն։
Մ. Աբրահամյանը ճանապարհին մահացել է։
Փաստի առթիվ հարուցվել է քրեական գործ՝ ՀՀ քր.օր-ի 242 հոդվածի 2-րդ մասի (Ճանապարհային երթևեկության և տրանսպորտային միջոցների շահագործման կանոնները խախտելը) հատկանիշներով։-0-