ԵՐԵՎԱՆ, 4 փետրվարի. /Նովոստի–Արմենիա/. Չինաստանում տեսահսկման խցիկները ցնցող կադրեր են ֆիքսել։
Life.ru–ի հաղորդմամբ, միջադեպը տեղի է ունեցել Չինաստանում։ Տղամարդը երեկոյան դուրս է եկել վազելու, և այն կարող էր դառնալ նրա համար վերջինը։ Տեսանյութում երևում է, թե ինչպես է մեծ արագությամբ ընթացող մեքենան հարվածում ցանկապատին և սրընթաց սլանում դեպի տղամարդը։ Նրան հրաշքով հաջողվում է փրկվել։ Նա ստանում է չնչին վնասվածքներ։
Սպիտակ ամենագնացի վարորդը 55–ամյա տղամարդ է, ով ստանում է գլխի վնասվածք։ Ենթադրվում է, որ նա ալկոհոլ է օգտագործել միջադեպի նախօրեին։ ՃՏՊ–ի հետևանքով տուժել է նաև մի տարեց տղամարդ, նա ստացել է կողերի կոտրվածք։–0–