Կանաչ տարածքներ են այրվում «Ջրաշխարհի» մոտակայքում

ԵՐԵՎԱՆ, 8 հուլիսի. /Նովոստի-Արմենիա/. Խոշոր հրդեհ է բռնկվել Երևանի «Ջրաշխարհից» ոչ հեռու:

Ինչպես հայտնում է ԱԻՆ մամուլի ծառայությունը, Երևանի «Վալենսիա» հյուրանոցային համալիրի մոտակայքում այրվում է խոտածածկ տարածք:

Դեպքի վայր են մեկնել ՀՀ ԱԻՆ ՓԾ հրշեջ-փրկարարական ջոկատից չորս մարտական հաշվարկ, Ճգնաժամային կառավարման ազգային կենտրոնի արտակարգ իրավիճակների արձագանքման խումբը և Աղետների բժշկության կենտրոնի հերթապահ խումբը:

Հայտարարվել է հրդեհի բարդության «ԲԻՍ-1» աստիճան: -0-