Հայաստանի մարզերից մեկում տեղի ունեցած ՃՏՊ-ի հետևանքով հինգ երիտասարդ է տուժել
11.11.2011,
12:47
Հայաստանի մարզերից մեկում տեղի ունեցած ՃՏՊ-ի հետևանքով հինգ երիտասարդ է տուժել
Արագածոտնի մարզի Եղվարդ-Երնջատափ ավտոճանապարհին տեղի ունեցած ՃՏՊ-ի հետևանքով երևանցի հինգ երիտասարդ է տուժել, հաղորդում է ՀՀ ԱԻՆ Փրկարար ծառայությունը:
Միջադեպի մասին ահազանգը ստացվել է նախօրեին երեկոյան: ««Միցուբիշի Պաջերո» մակնիշի ավտոմեքենան դուրս է եկել երթևեկելի մասից և շրջվել, ինչի հետևանքով երիտասարդ վարորդն ու չորս ուղևորները ստացել են տարբեր աստիճանի մարմնական վնասվածքներ», - նշվում է տեղեկատվության մեջ:
Նրանց տեղափոխել են Ապարան քաղաքի բժշկական կենտրոն, որտեղ ստանալով առաջին բուժօգնություն` դուրս են գրվել:-0-
Պատճենել հղումը
