Հայաստանից մարդասիրական օգնություն տեղափոխող օդանավը հասել է Էրզրում
![Հայաստանից մարդասիրական օգնություն տեղափոխող օդանավը հասել է Էրզրում Հայաստանից մարդասիրական օգնություն տեղափոխող օդանավը հասել է Էրզրում](/upload/iblock/606/bros82l2k6sgd0ev5wfiltfiqj4xts9l.jpg)
Հայաստանից մարդասիրական օգնություն տեղափոխող օդանավը հասել է Էրզրում, տեղեկացնում է ՀՀ արտակարգ իրավիճակների նախարարության մամուլի ծառայությունը:
«Այսօր, ժամը 14.50-ին Էրզրում քաղաքում վայրէջք է կատարել ՀՀ կառավարության կողմից Թուրքիա մարդասիրական օգնություն տանող օդանավը»,- նշված է հաղորդագրության մեջ:
Ներկայում ինքնաթիռը բեռնաթափվում է, և այդ աշխատանքներն ավարտելուց անմիջապես հետո օդանավը կվերադառնա Երևան։
ՀՀ կառավարության աջակցությունը՝ 40 տոննա բեռ (100-ից ավելի վրաններ, 500 քնապարկ և 7000-ից ավելի անկողնային պարագաներ) տեղափոխող Իլ-76 ինքնաթիռը Երևանի «Էրեբունի» օդանավակայանից Թուրքիայի Էրզրում քաղաք էր ուղևորվել ժամը 14.00-ին։
Հոկտեմբերի 23-ին, ժամը 15.41-ին Վան քաղաքի մոտակայքում տեղի է ունեցել ուժեղ երկրաշարժ, որի հետևանքով կան զոհեր ու ավերածություններ։
Հոկտեմբերի 27-ին Հայաստանը դիվանագիտական խողովակներով ստացել էր Թուրքիայի կառավարության օգնության պաշտոնական հայտը։--0-