ԵՐԵՎԱՆ, 17 մայիսի./Նովոստի–Արմենիա/. TV5 հեռուստաալիքի սեփականատեր Արմեն Թավադյանին ուրբաթ մեղադրանք է առաջադրվել Ավան և Նոր Նորք ընդհանուր իավասության դատարանի շենքի առաջ քաղաքացիական ակտիվիստ Վարդգես Գասպարիի վրա հարձակում կատարելու համար։ Այս մասին «Նովոստի–Արմենիա» գործակալությանը տեղեկացրեց ՀՀ քննչական կոմիտեի դեպարտամենտի տեղեկատվության եւ հասարակայնության հետ կապերի բաժնի պետ Նաիրա Հարությունյանը:
Հայկական ԶԼՄ–ների հաղորդմամբ, մայիսի 13–ին ՀՀ երկրորդ նախագահ Ռոբերտ Քոչարյանի նկատմամբ հարուցված քրեական գործի դատական նիստի ժամանակ, դատարանի միջանցքում, շշով հարվածել են Վարդգես Գասպարիի գլխին։
«Արմեն Թավադյանին մեղադրանք է առաջադրվել ՀՀ քրեական օրենսգրքի 258–րդ հոդվածի 4-րդ մասով (խուլիգանություն, որը կատարվել է զենքի կամ որպես զենք օգտագործվող առարկայի գործադրմամբ): Նախաքննական մարմինը Թավադյանին կալանավորելու միջնորդություն է ներկայացրել դատարան», – նշեց Հարությունյանը։-0-