Հայաստանի քաղաքացին մահացել է «Դոմոդեդովոյում»

ԵՐԵՎԱՆ, 16 օգոստոսի. /Նովոստի–Արմենիա/. Հայաստանի քաղաքացի է այսօր գիշերը մահացել «Դոմոդեդովո» օդանավակայանում, հայտնում է «ՄԿ»–ն` հղում անելով օդանավակայանի ղեկավարության աղբյուրին։

57–ամյա տղամարդը պետք է Երևան մեկներ դստեր հետ։ Սակայն ժամը 2.45–ին նրա ինքնազգացությունը վատացել է մեկնումների սրահում։ Տղամարդուն տեղափոխել են բժշկական կետ, բայց չեն կարողացել փրկել` նա մահացել է սրտի սուր անբավարարությունից։


Հայտնի է, որ մինչև օգոստոսի 14–ն ուղևորը բուժվում էր հիվանդանոցում թոքերի ուռուցքային հիվանդությունից։ -0-