Երևանում BYD–ը վրաերթի է ենթարկել հետիոտնին. կան վիրավորներ

ԵՐԵՎԱՆ, 30 մայիսի ./Նովոստի-Արմենիա/. Մայիսի 30-ին, վրաերթ-ավտովթար է տեղի ունեցել Երևանում։

shamshyan.com-ի հաղորդմամբ, ժամը 06։20-ի սահմաններում Երևանյան խճուղում Արմավիրի մարզի Թաիրով գյուղի Մայրաքաղաքային 26 տան դիմաց Երևանի Գրիգոր Լուսավորիչ փողոցի բնակիչ՝ 40-ամյա Լևոն Ղուշյանը իր վարած BYD մակնիշի 533 ՕM 61 համարանիշի ավտոմեքենայով վրաերթի է ենթարկել մայթեզրին կանգնած հետիոտն՝ Երևանի բնակիչ, 51-ամյա Կարեն Աղաջանյանին։

Այնուհետև BYD-ն առաջ է ընթացել և բախվել Տիգրան Բայրամյանին պատկանող ճանապարհի թույլատրելի հատվածում կայանված BMW մակնիշի 35 FG 067 համարանիշի ավտոմեքենային։

Վրաերթի ենթարկված Կ. Աղաջանյանն ու BYD-ի ուղևորուհի՝ 22-ամյա Անի Կարապետյանը մարմնական վնասվածքներով տեղափոխվել են «Աստղիկ» բժշկական կենտրոն։

Դեպքի առիթով հարուցվել է քրեական գործ, կատարվում է նախաքննություն: -0-