ԵՐԵՎԱՆ, 20 նոյեմբերի. /Նովոստի–Արմենիա/. Նոյեմբերի 18-ին ինքնասպանության փորձ է տեղի ունեցել Արարատի մարզում:
Ժամը 16:00-ի սահմաններում «Արարատ» բժշկական կենտրոնից ոստիկանության Արարատի բաժին հայտնել են, որ «ձախ սրունքի ստորին 3-րդ-ի զույգ ոսկրերի բազմաբեկոր 1-ին, 2-րդ ոսկրերի ողերի կոմպրեսիոն կոտրվածք հարցականով» ախտորոշմամբ իրենց մոտ է տեղափոխվել մի աղջիկ:
Ինչպես հայտնում է shamshyan.com–ը, հիվանդանոց է մեկնել ոստիկանները պարզել են, որ վիրավորը Արարատի մարզի գյուղերից մեկի բնակչուհի, 19-ամյա Լիլիթ Բ.-ն է:
Загружается новость ...
"Право"
«Ոստիկանները պարզել են, որ նույն օրը, ժամը 15:30-ի սահմաններում, Լիլիթ Բ.-ն ինքնասպանություն գործելու նպատակով Երևան-Երասխավան ավտոճանապարհի 44-րդ կմ հատվածում գտնվող՝ Նոյակերտ և Ավշար գյուղերը կապող կամրջի վրայից իրեն ցած է նետել»,– նշվում է գրառման մեջ։
Հիվանդանոցում վիրաբուժական բաժանմունքի վարիչ Արամայիս Գրիգորյանը ոստիկաններին հայտնել է, որ Լիլիթ Բ.-ն գտնվում է վիրաբուժական բաժանմունքում՝ բժիշկների հսկողության տակ:
Փաստի առթիվ ոստիկանության Արարատի բաժնի հետաքննչական բաժանմունքում հետաքննություն է սկսվել: -0-