ԵՐԵՎԱՆ, 18 մայիսի./Նովոստի–Արմենիա/. Երևանում 59–ամյա տղամարդը գողացել է ինքնաեռ, մետաղական խաչ ու արձանիկ` պատճառելով 50 հազար դրամի վնաս։
ՀՀ ոստիկանության մամուլի ծառայության հաղորդմամբ, մայիսի 16-ին, ժամը 10.20-ին, ոստիկանության Էրեբունու բաժին է զանգահարել Երևան քաղաքի Ծխախոտագործների փողոցի մի բնակչուհի և հայտնել, որ տնից գողություն է կատարվել:
«Մեկնած օպերատիվ խումբը պարզել է, որ նույն օրը, ժամը 09.00-ին, 1960 թ. ծնված Վահան Հ.-ն բաց դռնից ապօրինի մուտք է գործել քաղաքացուհու բնակարան և բացահայտ հափշտակել արձանիկ, մետաղական խաչ և ինքնաեռ՝ պատճառելով 50.000 դրամի վնաս», – հաղորդում է գերատեսչության մամուլի ծառայությունը:
Մայիսի 16-ին, ժամը 11.30-ին, Վահան Հ.-ն բերման է ենթարկվել ոստիկանության Էրեբունու բաժին:
Վահան Հ.-ն ձերբակալված է: Կատարվում է նախաքննություն:–0–
