ԵՐԵՎԱՆ, 11 ապրիլի./Նովոստի–Արմենիա/. Նախօրեին՝ ապրիլի 10-ին, խոշոր ավտովթար է տեղի ունեցել Կոտայքի մարզում:
Shamshyan.com–ի հաղորդմամբ, ժամը 17:20-ի սահմաններում Երևան-Սևան ավտոճանապարհի 15-րդ կմ հատվածում բախվել են ԶԻԼ 130 և Opel մակնիշի ավտոմեքենաները:
Բախման հետևանքով ԶԻԼ-ը, որը բարձված է եղել խճաքարով, գլխիվայր շրջվել է:
Վթարի հետևանքով 2 վարորդները տեղափոխվել են Աբովյան բժշկական կենտրոն:
Փաստի առթիվ նյութեր են նախապատրաստվում: Ոստիկանությունը պարզում է վարորդների ինքնությունը:–0–