Ողբերգական ավտովթար Գորիս-Ստեփանակերտ ճանապարհին. կա 2 զոհ (ՖՈՏՈ)
ԵՐԵՎԱՆ, 8 օգոստոսի./Նովոստի–Արմենիա/. Այսօր առավոտյան ողբերգական ավտովթար Գորիս-Ստեփանակերտ ճանապարհատվածում։
Արցախի արտակարգ իրավիճակների պետական ծառայության հաղորդմամբ, օգոստոսի 8-ին ժամը 08:16-ին Շուշիի շրջանային ԱԻ բաժնից ահազանգ է ստացվել, որ Գորիս-Ստեփանակերտ ճանապարհատվածի 72-րդ կմ-ին տեղի է ունեցել ՃՏՊ, որի հետևանքով «Ֆորդ» մակնիշի ավտոմեքենան դեռևս չպարզված հանգամանքներում դուրս է եկել ճանապարհի երթևեկելի գոտուց և մոտ 80 մետր գլորվել ձորը:
«Շուշիի ՀՓՄ-ի հրշեջ-փրկարարները և ՓՈւՎ ԱԱՀՍ փրկարարներն օգնություն ցուցաբերելու նպատակով ահազանգով մեկնել են պատահարի վայր: Տեղ հասնելուց պարզվել է, որ ՃՏՊ-ի հետևանքով զոհվել են Ստեփանակերտ քաղաքի բնակիչներ՝ վարորդ Գարեգին Հարությունյանը (ծնվ. 1958թ.) և ուղևոր Էլխան Հովսեփյանը: Այս պահի դրությամբ փրկարարները պատահարի վայրում աշխատանքներ են իրականացնում դիերը ձորից հանելու համա», – նշվում է գերատեսչության հաղորդագրության մեջ:–0–
