ԵՐԵՎԱՆ, 13 հոկտեմբերի․ /Նովոստի-Արմենիա/․ Նախօրեին՝ հոկտեմբերի 12-ին, խոշոր ավտովթար է տեղի ունեցել Արագածոտնի մարզում:
Ինչպես հայտնում է shamshyan.com-ը, ժամը 18:00-ի սահմաններում Երևան-Գյումրի- Բավրա ավտոճանապարհի 78-րդ կմ հատվածում՝ Մաստարա գյուղի վարչական տարածքում, բախվել են ԶԻԼ մակնիշի և Opel մակնիշի ավտոմեքենաները:
Վթարի հետևանքով ԶԻԼը, որը բարձված է եղել խնձորով, կողաշրջվել է, իսկ 4 հոգի մարմնական վնասվածքներով տեղափոխվել են Թալինի բժշկական կենտրոն:
Ոստիկանությունը պարզում է վարորդների և վիրավորների ինքնությունը:-0-