ԵՐԵՎԱՆ, 1 դեկտեմբերի. /Նովոստի–Արմենիա/. Այսօր՝ դեկտեմբերի 1-ին, մահվան ելքով վրաերթ է տեղի ունեցել Երևանում:
Shamshyan.com–ի հաղորդմամբ, ժամը 10:25-ի սահմաններում Երևան քաղաքի Աջափնյակ վարչական շրջանի բնակիչ 20-ամյա Արտաշես Մկրտչյանը Շիրազի փողոցում իր վարած բեռնատար ԳԱԶԵԼ մակնիշի 34 ավտոմեքենայով հետընթաց կատարելիս՝ վրաերթի է ենթարկել կին հետիոտնի:
Загружается новость ... "Лево"
Կայքի հաղորդմամբ, վարորդը փախուստի չի դիմել, ահազանգել է 1-03 շտապօգնություն, օգնել է վրաերթի ենթարկվածին տեղափոխել «Արմենիա» բժշկական կենտրոն, որից հետո վրաերթի մասին տեղեկացրել է ոստիկանություն: Վրաերթի ենթարկվածը հիվանդանոցում մահացել է:
Փաստի առթիվ հարուցվել է քրեական գործ ՀՀ ՔՕ 242 հոդվածի 2-րդ մասի (ճանապարհատրանսպորտային պատահար, որն անզգուշությամբ առաջացրել է մարդու մահ) հատկանիշներով:
Քննիչի հանձնարարականով վարորդը տեղում անցել է սթափության թեսթ և պարզվել է, որ նա գտնվում է սթափ վիճակում:
Ոստիկանությունն ու քննչական բաժինը պարզում են մահացածի ինքնությունը:–0–