ԵՐԵՎԱՆ, 10 օգոստոսի. /Նովոստի–Արմենիա/ Նախօրեի երեկոյան պայթյուն է տեղի ունեցել Սյունիքի մարզում։
Загружается новость ...
"Право"
ՀՀ ԱԻՆ մամուլի հաղորդագրության համափայն, օգոստոսի 9-ին, ժամը 20:00-ին տեղեկություն է ստացվել, որ Կապան քաղաքի Ձորք 1/3 հասցեում տեղակայված «Արկարգազ» ՍՊԸ-ի տարածքում գտնվող «Արթուր Բուդաղյան» ԱՁ-ին պատկանող հեղուկ գազի լիցքավորման կայանում տեղի է ունեցել գազի բալոնի պայթյուն, ինչի հետևանքով 2 աշխատակիցներ տեղափոխվել են Կապանի ԲԿ:
Դեպքի վայր է մեկնել Մարզային ճգնաժամային կառավարման կենտրոնի օպերատիվ խումբը:
Պարզվել է,որ փորձարկման նպատակով ստուգում կատարելուց հետո (փորձարկվել է 50 լ 17 կգ-ոց մեկ գազաբալոն) տեղի է ունեցել պայթյուն, ինչի հետևանքով տուժել են գազալցակայանի աշխատակիցներ՝ 1993 թ. ծնված Ա. Հ.-ը և 1984 թ. ծնված Հ. Հ.-ը: Վերջիններս ստացել են տարբեր աստիճանի վնասվածքներ և տեղափոխվել Կապան քաղաքի ԲԿ: Բժիշկները տուժածների առողջական վիճակը գնահատել են բավարար:
Ինչպես հաղորդում է shamshyan.com կայքը, վիրավորներ Արթուր և Հայկ Հարությունյանները Կապան քաղաքի բնակիչներ են և աշխատում են նշված գազալցակայանում, մեկը՝ որպես ինժեներ, իսկ մյուսը` ճնշման կայանի աշխատակից է:-0-