ԵՐԵՎԱՆ, 17 հուլիսի. /Նովոստի–Արմենիա/. Մի խումբ զինված անձինք բռնի ուժով մտել են Երևանի Էրեբունի վարչական շրջանի ոստիկանության բաժանմունքներից մեկը։
Որոշ տեղեկություններով` նրանք «Հիմնադիր խորհրդարան» արմատական ընդդիմադիր կազմակերպության առաջնորդ Ժիրայր Սեֆիլյանի կողմնակիցներն են։ Սեֆիլյանը կալանավորված է։ Զինված անձինք պահանջում են ազատել իրենց առաջնորդին։
Ոստիկանության շենքի մոտ մեծ թվով ուժեր են բերվել։ Իրավապահ մարմինները խոստանում են հանդես գալ հայտարարությամբ։
Սեֆիլյանը կալանավորվել է մի խումբ անձանց կողմից զենք–զինամթերք ապօրինի պահելու փաստով հարուցված քրեական գործի շրջանակում։
Քննչական մարմինների տվյալներով` Սեֆիլյանը ծրագրում էր գրավել շենքեր, շինություններ, կապի միջոցներ։–0–
Ծանոթացեք լուրերին առաջինն ու քննարկեք դրանք մեր Telegram-յան ալիքում
