ԵՐԵՎԱՆ, 5 դեկտեմբերի. /Նովոստի–Արմենիա/. Նախօրեին երեկոյան կրակոցներ են հնչել Երևանում:
Shamshyan.com–ի հաղորդմամբ, Էրեբունի բժշկական կենտրոն են տեղափոխվել հրազենային վնասվածքներով 2 քաղաքացի, իսկ 1 քաղաքացի էլ՝ սուր կտրող-ծակող առարկայից ստացած վնասվածքի հետքերով:
Կայքի հաղորդմամբ, ոստիկանները պարզել են, որ վիրավորները հիվանդանոց են տեղափոխվել էրեբունի վարչական շրջանի Աճեմյան փողոցի 209 հասցեից:
Ոստիկաններն ու քննիչները պարզել են վիրավորներից 2-ի ինքնությունը`29-ամյա Գևորգ Հարությունյան և 44-ամյա Արման Ապիյան, մյուս վիրավորի տվյալները ճշտվում են:
Միաժամանակ նշվում է, որ ոստիկաններն ու քննիչները տաք հետքերով արդեն հանցագործությունը կատարող անձանց հետքի վրա են։ Փաստի առթիվ ստեղծվել է քննչական խումբ:
Աղբյուրի տեղեկացմամբ, նշված հասցեում՝ բաղնիքի ներսում, ոստիկաններն ու քննիչները հայտնաբերել են «Մակարով» ատրճանակի պահունակ, որի վրա կան արյան հետքեր:–0–