Ավազակային հարձակում Եղվարդում. գումարը վերցնելուց հետո հարձակում կատարած անձինք տղամարդուն վրաերթի են ենթարկել

ԵՐԵՎԱՆ, 28 հոկտեմբերի. /Նովոստի–Արմենիա/. Եղվարդ քաղաքում օրեր առաջ ավազակային հարձակում է գրանցվել, հաղորդում է pastinfo–ն։

30-ամյա տղամարդուն հենց իր տան մոտ ատրճանակով ու դանակով սպառնացել են՝ հափշտակելով նրա մոտ եղած գումարը:

Աղբյուրի հաղորդմամբ, ավազակային հարձակում կատարած անձինք եղել են երկուսը, որոնցից մեկին տղամարդը ճանաչել է:

Սպառնալիքների ազդեցության տակ տղամարդուց գումարը վերցնելուց հետո, ավազակային հարձակում կատարած անձինք նրան վրաերթի են ենթարկել, ապա դիմել փախուստի:–0–