Երևանում Mercedes–ի վարորդը բենզալցակայանի մոտ վրաերթի է ենթարկել 2 քաղաքացու, այնուհետև բախվել լցակայանին

ԵՐԵՎԱՆ, 18 նոյեմբերի./Նովոստի–Արմենիա/. Նախօրեին՝ նոյեմբերի 17-ին, վրաերթ է տեղի ունեցել Երևանում։

Shamshyan.com–ի հաղորդմամբ, ժամը 12։50-ի սահմաններում Mercedes ավտոմեքենայի վարորդը Գուրգեն Մահարի փողոցում՝ Էրեբունի թանգարանի հարևանությամբ, «Ֆլեշ» բենզալցակայանի մոտ վրաերթի է ենթարկել 2 քաղաքացու, այնուհետև առաջ ընթանալով՝ մասամբ հայտնվել ճանապարհի մեջտեղում։ 

Կայքի հաղորդմամբ, վրաերթից հետո Mercedes–ը խփել և կոտրել է բենզալցակայանի լիցքավորման սարքը։ 

Փաստի առթիվ նյութեր են նախապատրաստվում։ Ոստիկանությունը պարզում է վարորդների և վիրավորների ինքնությունը։ 

Կայքի տեղեկություններով՝ Mercedes-ի վարորդը վրաերթից հետո մեղայականով ներկայացել է ոստիկանության Էրեբունու բաժին։ –0–